អាមេរិច: គ្មានអ្វីចំឡែក សម្រាប់នាង Adrina Lima ចំពោះការថតបង្ហាញម៉ូដ ឈុត ប៊ីគីនី បញ្ចេញសាច់ទ្រលុកទ្រលន់ លេចលើលេចក្រោមទេ ប៉ុន្តែវាជាអ្វីដែលថ្មីប្លែក ធ្វើឱ្យប្រិយមិត្តអ្នកគាំទ្រ ពិសេសបុរសៗ ជ្រួលជ្រើមអារម្មណ៍ ខណ:តារាម៉ូឌែលរូបនេះ បានត្រៀមខ្លួនរួចជាស្រេច ក្នុងការចេញទៅបង្អួតសម្រស់ នៅឆ្នេរសមុទ្រ Calzedonia គួរឱ្យក្នន់ក្នាញ់បំផុត នារដូវក្តៅ ប្រចាំឆ្នាំ២០១៦នេះ។

ស្ទីលនៃការថតសម្តែង បង្ហាញម៉ូដសម្លៀកបំពាក់នេះ ជាគំនិតគិតរៀបចំរបស់អ្នកជំនាញ អ្នកស្រី Elizabeth Sulcer និងអ្នកជំនាញឯកទេសរូបភាព ផ្នែកថតផ្តិតសកម្មភាពសិល្ប: លោក Russell James សុទ្ធសឹងរៀមច្បងសិល្ប:ឆ្នើមៗ ទៀតផង។ នាង Adrina Lima ថ្វីត្បិតថា ឈានចូលវ័យ ៣៤ឆ្នាំ ទៅហើយក្តី បើនិយាយដល់សម្រស់របស់តារារូបនេះ អាចសរសើរបានថា តារាស្រីក្មេងជំទង់ជំនាន់ក្រោយ មួយចំនួន សុំខ្មាស់។ ទន្ទឹងនឹងការងារមមារញឹក ក្នុងស្ទូឌីយូ នាង Adrina Lima ក៏បានត្រៀមខ្លួនរួចជាស្រេច សម្រាប់បង្ហាញភាពសិចស៊ី ក្នុងឈុត ប៊ីគីនី នៅឆ្នេរសមុទ្រ Calzedonia ដើម្បីជំរុញការលក់ នូវសម្លៀកបំពាក់ប្រភេទនេះ ផងដែរ៕