កាលពីពេលថ្មីៗនេះ តាមបណ្តាញសង្គមហ្វេសប៊ុកមានការចែករំលែកបន្តគ្នាយ៉ាងច្រើន ពីមួយទៅមួយ នូវវីដេអូ Trailer ថ្មីមួយរបស់រឿង «វិកលចរិត» ដែលនរណាៗក៏និយាយថា ស្រៀវ ព្រឺរោម បះសក់ រន្ធត់ញាប់ញ័រ មិនចាញ់រឿងរបស់ហូលីវូដនោះទេ។

«វិកលចរិត» គឺជាខ្សែភាពយន្តភ័យរន្ធត់ និងអាថ៌កំបាំងដំបូងគេ របស់ខ្មែរដែលនិយាយពីឃាតកររោគចិត្ត ដែលសម្លាប់គ្រប់គ្នាដែលហៅគេថា អាឆ្កួត! ឬអាវិកលចរិត! មិនតែប៉ុណ្ណោះ តាមរយៈទំព័រវិភាគកុនមួយបានបង្ហើបប្រាប់ថា រឿង «វិកលចរិត» មិនត្រឹមតែនិយាយពីឃាតកររោគចិត្តដែលសម្លាប់មនុស្សមិនរើសមុខនោះទេ តែខ្សែភាពយន្តនេះក៏មានតួអង្គខ្មោចដែលលងសាហាវៗឡើងកប់ រហូតមានការដាស់តឿនជាមុនថា អ្នកមានជំងឺខ្សោយបេះដូងតាមទស្សនាដាច់ខាត!។​

ជាការពិត តាមរយៈ Trailer ដែលផ្សព្វផ្សាយដោយទំព័រផ្លូវការ របស់ផលិតកម្ម មាតុចក្រហ្វីលម៍ បានបង្ហាញឲ្យឃើញថា «វិកលចរិត» ពិតជាមិនធម្មតាមែន ព្រោះសូម្បីតែឈុតខ្លីៗ និងចំណងជើង ក៏អាចធ្វើឲ្យអ្នកខ្លះព្រឺរោមខ្ញាកៗដែរ។ ឈុតមួយដែលធ្វើឲ្យគេស្ទើរតែរត់ចោលកុំព្យូទ័រ ឬគ្រវែងទូរស័ព្ទចោលនោះ គឺឈុតអ្នកជំងឺដេកនៅលើគ្រែរុញ ដែលត្រូវគេចងភ្ជាប់ដោយឥតដឹងមូលហេតុ ហើយសុខៗក៏ត្រូវអ្វីម្យ៉ាងរុញឡើងកប់យកទៅបាត់! នរណាមិនបះសក់ បើសុខៗ គ្រែនោះស្រាប់តែរុញទៅមុខលឿនស្លុយបែបនេះ ។​

ដោយសារតែវីដេអូនេះ រួមនិងបទចម្រៀង OST ដែលច្រៀងអន្ទងព្រលឹងដោយលោក Jimmy Kiss ផងនោះ ទើបធ្វើឲ្យទស្សនិកជនជាច្រើន កំពុងជ្រួលច្រាល អន្ទះសា ចង់ទៅទស្សនារឿងនេះឲ្យបានឆាប់ៗបំផុត។ ទោះអន្ទះសាយ៉ាងណា ជ្រួលច្រាលដូចម្តេច ក៏រឿងនេះបានដាក់កាលវិភាគចាក់បញ្ចាំងផ្លូវការរបស់ខ្លួនរួចទៅហើយ នោះគឺថ្ងៃទី០២ ខែធ្នូ ខាងមុខនេះ យើងនឹងបានបះសក់ទាំងអស់គ្នា នៅគ្រប់រោងភាពយន្តទាំងអស់ ៕​

ទស្សនាវីដេអូឃ្លិបដូចខាងក្រោមនេះ៖