ព័ត៌មានកីឡា

Mourinho ​ឌឺ​ឱ្យ Wenger ​ថា៖ “​ខ្ញុំ​លើក​ពាន​កាល​ពី​១៨​ខែ​មុន ​មិនមែន​១៨​ឆ្នាំ​មុន​ទេ”

មុនជំនួបជក់ចិត្តនៅអង់គ្លេសរវាង Manchester United និង Arsenal កើតឡើងនៅល្ងាចនេះ សង្គ្រាមពាក្យសម្ដីរវាងអ្នកចាត់ការក្រុមទាំងពីរចាប់ផ្ដើមកើតមានឡើងកាន់តែខ្លាំងឡើយហើយ ជាពិសេសពីលោក Jose Mourinho តែម្ដង។

លោក Arsene Wenger បាននិយាយកាលពីម្សិលមិញនេះថា ក្រុម Arsenal មិនអាចមើលងាយបិសាចក្រហមបាននោះទេ ហើយលោកបារម្ភខ្លាំងណាស់ខ្សែប្រយុទ្ធវ័យក្មេងម្នាក់ថែមទៀតផង។ ខណ:ដែលលោក Jose Mourinho វិញ ក៏មិននៅស្ងៀមដែរ ពោលគឺលោកបានបង្ហាញចំណាប់អារម្មណ៍ដែរថាការប្រកួតជាមួយ Arsenal ជាប្រកួតដែលលោកត្រូវតែឈ្នះ។

manchester-united-vs-arsenal-2

“ខ្ញុំគិតថាលោក Wenger កំពុងតែផ្ដល់ការនិយាយដោយគោរព ប៉ុន្តែខ្ញុំមិនគិតថាខ្ញុំអាចធ្វើដូចគាត់ទេ។ ខ្ញុំទើបតែឈ្នះពានរង្វាន់ Premier League កាលពី១៨ខែមុន មិនមែន១៨ឆ្នាំមុននោះទេ។ ខ្ញុំចង់ឈ្នះពានរង្វាន់គ្រប់ក្លឹបដែលខ្ញុំដឹកនាំ ហើយរដូវកាលនេះជាមួយបិសាចក្រហមក៏ដូចគ្នា”។ សម្ដី Jose Mourinho ។

សូមបញ្ជាក់ថាលោក Arsene Wenger ដឹកនាំក្រុម Arsenal មិនដែលឈ្នះលោក Jose Mourinho នោះទេ ហើយអ្នកចាត់ការ២នាក់នេះ ក៏តែងតែមានរឿងឈ្លោះគ្នាផងដែរ៕

មតិយោបល់