ព័ត៌មានជាតិ

រថយន្តស៊ិនទ្រី ឆក់ជីវិតក្មេងប្រុសម្នាក់ ក្នុងមួយប៉ប្រិចភ្នែក!..

ព្រះសីហនុ: គ្រោះថ្នាក់ចរាចរណ៍ដ៏រន្ធត់មួយបានកើតឡើង បន្ទាប់ពីក្មេងប្រុស២នាក់ ដែលជាសិស្សសាលាឡាយហ៍ ជិះម៉ូតូឌុបគ្នាទៅរៀន ត្រូវបានរថយន្តដឹកសំរាម របស់ក្រុមហ៊ុនស៊ិនទ្រី បុកយ៉ាងពេញទំហឹងបណ្តាលឲ្យក្មេងប្រុសម្នាក់ដួលបោកក្បាលស្លាប់ក្នុងថ្លុកឈាមយ៉ាងអាណោចអាធ័ម ចំណែកម្នាក់ទៀតរងរបួសស្រាល ចំណែកអ្នកបើកបររថយន្តបង្ក បានបើកទ្វារថយន្តចុះរត់គេចខ្លួនបាត់ស្រមោល បន្សល់ទុករថយន្តបង្កនៅនឹងកន្លែងកើតហេតុ។ ចំណែកម៉ូតូជនរងគ្រោះត្រូវបានរថយន្តបង្កកិនជាប់នៅខាងក្រោមរថយន្ត រងការខូចខាត។

ហេតុការណ៍នេះបានកើតឡើងកាលពីវេលាម៉ោងជិត៧ព្រឹក ថ្ងៃ២៣ ខែវិច្ឆិកា ឆ្នាំ២០១៦ស្ថិតនៅចំណុចម្តុំកែងស្ថានីយ៍រថភ្លើង តាមបណ្តោយផ្លូវបុរីកម្មករ ត្រង់ចំណុចកែងផ្លូវបំបែកសេតេ ស្ថិត​នៅ​ក្នុង​ភូមិ៣ សង្កាត់លេខ៣ ក្រុងព្រះសីហនុ ខេត្តព្រះសីហនុ។

ក្រោយពីកើតហេតុ ម៉ូតូនិងរថយន្តបង្ក ត្រូវបានសមត្ថកិច្ចអូសយកមករក្សាទុកនៅស្នងការដ្ឋាននគរបាលខេត្តព្រះសីហនុ ដើម្បីរង់ចាំធ្វើការដោះស្រាយគ្នាពេលក្រោយតាមផ្លូវច្បាប់។

ទន្ទឹមនឹងហេតុការណ៍នេះបានកើតឡើង បងប្អូនប្រជាពលរដ្ឋមានការព្រួយបារម្ភនិងរិះគន់ចំៗ ទៅលើក្រុមហ៊ុនដឹកសំរាមរបស់ក្រុមហ៊ុនស៊ិនទ្រី ថាច្រើនតែឲ្យអ្នកបើកបររថយន្តគ្មានជំនាញច្បាស់លាស់ ចេះបើកល្មមៗឲ្យមកបម្រើការងារ មិនតែប៉ុណ្ណោះការបើកបរគឺខ្វះការប្រុងប្រយត្ន័ បើកដោយល្បឿនលឿន ច្រើនតែបង្កគ្រោះថា្នក់ជាញឹកញាប់ ដល់ប្រជាពលរដ្ឋដែលមិនដឹងអី ជាក់ស្តែងដូចករណីគ្រោះថ្នាក់ចរាចរណ៍ខាងលើនេះ ៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

មតិយោបល់