ថៃ: បើតាមប៉ូលិស បានឲ្យដឹងថា មនុស្ស ១៨ នាក់ស្លាប់ និង ២០នាក់ផ្សេងទៀត រងរបួស នៅពេលរថយន្តក្រុងមួយគ្រឿង បានធ្លាក់ចេញពីផ្លូវ ចូលទៅក្នុងជ្រោះជ្រៅមួយ នៅខេត្តភាគខាងជើងប្រទេសថៃ កាលពីព្រឹកថ្ងៃអង្គារ។ នេះបើយោងតាមរយ: សារព័ត៌មាន bangkokpost ចេញផ្សាយនៅថ្ងៃទី ២៣ ខែវិច្ឆិកា ឆ្នាំ២០១៦។

រថយន្តក្រុងនេះ បានដឹកបុគ្គលិកចូលនិវត្តន៍ ៣៦ នាក់ អ្នកបើកបរម្នាក់ និងជំនួយការបើកបរម្នាក់ ដែលបានធ្វើដំណើរពីខេត្ត Phrae ទៅទីក្រុងបាងកក នៅពេលធ្វើដំណើរ ក៏រត់ចេញពីផ្លូវដោយសារខ្យល់ ធ្លាក់ចូលជ្រោះជម្រៅ ៧០ ម៉ែត្រ នៅភ្នំ Khao Pueng ៕