ព្រះសីហនុ: នៅថ្ងៃទី២២ ខែវិច្ឆិកា ឆ្នាំ២០១៦ វេលាម៉ោង១១និង១៥នាទីយប់ មានជនបរទេសម្នាក់បានស្លាប់នៅមន្ទីរពេទ្យបង្អែកខេត្តព្រះសីហនុ(ពេទ្យចម្ការចេក)ដោយសារជំងឺគាំងបេះដូង។
​
សមត្ថកិច្ចបានឲ្យដឹងថា ជនរងគ្រោះឈ្មោះ LI HUIQING ភេទប្រុស​ កើតថ្ងៃទី១៨ ខែសីហា ឆ្នាំ១៩៦៤ សញ្ជាតិ​​ចិន មុខរបរកម្មករសំណង់(ក្រុមហ៊ុន ស៊ី ហ៊ូ International) ដែលមានទីតាំងស្ថិតនៅក្រុមទី៥ ភូមិ១ សង្កាត់៣ ក្រុង-ខេត្តព្រះសីហនុ។ កាន់លិខិតឆ្លងដែនលេខ​​ E74918016 សុពលភាពថ្ងៃទី១៥ ខែឧសភា ឆ្នាំ២០២៦ កាន់ទិដ្ឋាការលេខ EI 00994435 សុពលភាព ថ្ងៃទី៣០ មិថុនា ឆ្នាំ២០១៧។ សមត្ថកិច្ចបន្តថា ជនរងគ្រោះ ស្នាក់នៅផ្ទះជួល របស់ឈ្មោះ វ៉ា សុខហេន ភេទប្រុស អាយុ៣២ឆ្នាំ មុខរបរលក់ដូរ ដែលមានទីតាំង ស្ថិតនៅក្រុម៦ ភូមិ១ សង្កាត់៣ ក្រុង-ខេត្តព្រះសីហនុ។ បើតាមការពិនិត្យរបស់ លោក វេជ្ជបណ្ឌិត ស៊ឹម ភក្តី គ្រូពេទ្យព្យាបាល បានឲ្យដឹងថា ជនរងគ្រោះ (សាកសព) ស្លាប់ដោយជំងឺគាំងបេះដូង។

បច្ចុប្បន្ន សាកសពដោយមានការសម្រេចពីក្រុមគ្រួសារ និងស្ថានទូតសាមី ត្រូវបានប្រគល់សិទ្ធិទៅក្រុមហ៊ុន John Allison Monk House ដឹកទៅសាលរក្សាសពនៃមន្ទីពេទ្យរុស្សី រាជធានី ភ្នំពេញ៕