(ភ្នំពេញ) ៖ ប៉ូលិសខណ្ឌឫស្សីកែវបានសហការជាមួយនិងប៉ុស្តិ៍នគរបាលស្វាយប៉ាក ចុះបង្ក្រាបផ្ទះមួយកន្លែង ដែលបានរក្សាទុក្ខនៅសារធាតុញៀនដោយខុសច្បាប់ ដោយឃាត់ខ្លួនបុរសម្នាក់ កាលពីម៉ោងជាង១១ព្រឹក ថ្ងៃទី១ ខែមេសា ឆ្នាំ២០១៦ ស្ថិតនៅចំណុចផ្លូវលំ ក្រុមទី៧ ភូមិលូ សង្កាត់ស្វាយប៉ាក ខណ្ឌឫស្សីកែវ។
សមត្ថកិច្ចបានបញ្ជាក់ថា ក្នុងការចុះបង្ក្រាបបទល្មើសនេះដែល កម្លាំងសមត្ថកិច្ចយើងបានធ្វើការឃាត់ខ្លួនជនសង្ស័យម្នាក់ ហើយព្រមទាំងថ្នាំញៀនចំនួន ៨កញ្ចប់តូច។
ជនសង្ស័យមានឈ្មោះ លី ថាន់ អាយុ៤៣ឆ្នាំ ជនជាតិ វៀតណាម មុខរបរ មិនពិតប្រាកដ ស្នាក់នៅផ្ទះគ្មានលេខ ផ្លូវលំ ក្រុមទី៧ ភូមិលូ សង្កាត់ស្វាយប៉ាក ខណ្ឌឫស្សីកែវ និងបានដកហូតនៅវត្ថុតាងមួយចំនួនរួមមានៈ ថ្នាំញៀនប្រភេទក្រាមពណ៌សថ្លាចំនួន ៨កញ្ចប់តូច។
បច្ចុប្បន្នជនសង្ស័យខាងលើ ត្រូវបានបញ្ជូនទៅឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីចាត់ការតាមនិតិវិធីនៃច្បាប់៕
មតិយោបល់