កណ្តាល ៖ បុរសម្នាក់ឡើងផ្សារសំយាបឃ្លាំង មិនប្រយ័ត្នប៉ះខ្សែកាប ឆក់ធ្លាក់ ជួងដែក នៅខាងក្រោម ស្លាប់គួរឲ្យ រន្ធត់ ។
ហេតុការណ៍បង្កការភ្ញាក់ផ្អើលនេះកើតឡើងនៅវេលាម៉ោង ១០និង៣០ នាទីថ្ងៃទី០១ ខែមេសា ឆ្នាំ២០១៦ នៅចំណុចភូមិ អន្លង់រមៀតខាងលិច ឃុំ អន្លង់រមៀត ស្រុក កណ្តាលស្ទឹង ខេត្តកណ្តាល ម្ចាស់ឃ្លាំងឈ្មោះ អ៊ឹម ថាវី ភេទ ស្រី អាយុ ៣៥ឆ្នាំ មុខរបរ កសិករ ។
សមត្ថកិច្ច បានឲ្យដឹងថា ជនរងគ្រោះឈ្មោះ គា គួរ ភេទ ប្រុស អាយុ ២៥ ឆ្នាំមុខ របរ ជាងផ្សារដែក មានទីលំនៅភូមិ-ឃុំ សំបួរ ស្រុក ល្វាឯម ខេត្ត កណ្តាល (ស្លាប់) ។
សមត្ថកិច្ច បានបន្ដថា មុនពេលកើតហេតុជនរងគ្រោះបានឡើងផ្សារសំយាបឃ្លាំង រួចជនរង គ្រោះបានលើកដែកឡើងលើមិនប្រយ័ត្នក៏បានប៉ះនិងខ្សែកាបបណ្តាលឲ្យឆក់ ធ្លាក់មកដីជួងនិងដែកស្លាប់ភ្លាមៗតែម្តង។
ក្រោយពីសមត្ថកិច្ចជំនាញ បានពិនិត្យសាកសពរួចមក បានឲ្យដឹងថា ជនរងគ្រោះពិតជាស្លាប់ដោយសារឆក់ខ្សែភ្លើងធ្លាក់មកដីជួងដែកស្លាប់ពិតប្រាកដមែន៕
មតិយោបល់