ក្រចេះ: កម្លាំងនគរបាលស្រុកព្រែកប្រសព្វ បានបន្តស្រាវជ្រាវ និងបង្រ្កាបមុខសញ្ញាគ្រឿងញៀនបានម្នាក់ផ្សេងទៀត រួមទាំងគ្រឿងញៀន១២កញ្ចប់ ដែលលាក់ទុកនៅក្នុងម៉ូតូសម្រាប់យកទៅជួញដូរ ពីបុរសម្នាក់ កាលពីថ្ងៃទី២៤ ខែវិច្ឆិកា ឆ្នាំ២០១៦ ត្រង់ចំណុចភូមិព្រែកប្រាំង ឃុំព្រែកប្រសព្វ ស្រុកព្រែកប្រសព្វ ខេត្តក្រចេះ។

អធិការនគរបាលស្រុកព្រែកប្រសព្វ លោកវរសេនីយ៍ទោ ចាន់ សុផល្លា បានឲ្យដឹងថា ជនសង្ស័យឈ្មោះគីន ស៊ីដែន អាយុ៣១ឆ្នាំ រស់នៅភូមិ-ឃុំខាងលើ។

បច្ចុប្បន្ន ជនសង្ស័យរួមទាំងគ្រឿងញៀន១២កញ្ចប់ ត្រូវបានកម្លាំងនគរបាលរឹបអូស និងនាំខ្លួនមកអធិការដ្ឋាននគរបាលស្រុក ដើម្បីបន្តនីតិវិធី៕