ផ្ទះ ព័ត៌មានជាតិ កំពូលមហាចោរម្...

កំពូលមហាចោរម្នាក់ ត្រូវតុលាការផ្ដន្ទាទោស ដាក់ពន្ធនាគារ១១៧ឆ្នាំ និងគូកន២នាក់ ៣៤ឆ្នាំ ពាក់ព័ន្ធនឹងអំពើប្លន់

0

ភ្នំពេញ: កាលពីព្រឹកថ្ងៃទី២៩ ខែវិច្ឆិកា ឆ្នាំ២០១៦នេះ លោក ជា សុខច័ន្ទដេត  ប្រធានក្រុមប្រឹក្សាចៅក្រមជំនុំជម្រះសាលាដំបូងរាជធានីភ្នំពេញ បានប្រកាសសាលក្រមសម្រេចផ្តន្ទាទោសឈ្មោះ នុជ សំណាង ហៅ សែន សំណាង និងគូកន២នាក់ទៀត ដាក់ពន្ធនាគារម្នាក់៨ឆ្នាំ បន្ថែមលើទោសចាស់ៗជាច្រើនឆ្នាំទៀត ក្រោមបទចោទប្រកាន់ពីបទលួចមានស្ថានទម្ងន់ទោស ដោយសារប្រព្រឹត្តអំពើហិង្សា ដោយបានប្លន់ម៉ូតូម៉ាកស្កុបពីប្រព្រឹត្តកាលពីម៉ោង១១ និង៣០នាទីយប់ថ្ងៃទី២០ ខែតុលា ឆ្នាំ២០១៥ នៅម្តុំមុខហាងហ្គ្រែន ផ្លូវ៤៣០ កែងនឹងផ្លូវ៤៥២ ក្រុម៨ ភូមិ៤ សង្កាត់ទួលទំពូង២ ខណ្ឌចម្ការមន បទល្មើសដែលមានចែងឱ្យផ្តន្ទាទោសយោងតាមមាត្រា ៣៥៧នៃក្រមព្រហ្មទណ្ឌ។

បើសរុបបទល្មើសចំនួន១៦ករណី តុលាការបានសម្រេចផ្តន្ទាទោសជនជាប់ចោទឈ្មោះ នុជ សំណាង ហៅសែន សំណាង ដាក់ពន្ធនាគារ១១៧ឆ្នាំ និងគូកន២នាក់ទៀត ទី១ឈ្មោះ អ៊ិន បញ្ញា និងឈ្មោះ ចាន់ ពិទូ ហៅតួ ដាក់ពន្ធនាគារសរុប ម្នាក់ ៣៤ឆ្នាំ លើ៤ ករណី ប្លន់ប្រដាប់អាវុធ ជាមួយ ឈ្មោះ នុជ សំណាង។

នៅក្នុងសវនាការកាលពីរសៀលថ្ងៃទី៧ ខែវិច្ឆិកា ឆ្នាំ២០១៦ កន្លងទៅ ជនជាប់ចោទទាំង៣នាក់បានច្រានចោលការចោទប្រកាន់របស់តំណាងអយ្យការដោយបដិសេធថា ពួកគេមិនបានប្រព្រឹត្ត៕

photo_2016-11-29_15-37-39

photo_2016-11-29_15-37-40-2

photo_2016-11-29_15-37-40

photo_2016-11-29_15-37-41