ពោធិ៍សាត់ៈ កម្លាំងPM ចំនួន៤នាក់ ដឹកនាំដោយលោកវរសេនីយ៍ទោ ឡាយ វិទូ មេបញ្ជាការរងកងរាជអាវុធហត្ថខេត្តពោធិ៍សាត់ សហការជាមួយសង្កាត់រដ្ឋបាលព្រៃឈើសំពៅមាស បង្ក្រាបរថយន្តដឹកឈើលើផ្លូវជាតិលេខ៥ កាលពីវេលាម៉ោង២និង៣០នាទី ថ្ងៃទី៤ ខែធ្នូ ឆ្នាំ២០១៦ ស្ថិតក្នុងភូមិស្វាយអាត់ សង្កាត់ស្វាយអាត់ ក្រុងពោធិ៍សាត់ ខេត្តពោធិ៍សាត់។

សមត្ថកិច្ចបានឲ្យដឹងថា ក្នុងប្រតិបត្តិការនេះឃាត់ខ្លួនជនសង្ស័យបានម្នាក់ឈ្មោះ សឿង វណ្ណៈ ភេទប្រុស អាយុ២៧ឆ្នាំ រស់នៅភូមិអូរស្តៅ​​ សង្កាត់ស្វាយអាត់ ក្រុងពោធិ៍សាត់ ខេត្តពោធិ៍សាត់។ និងឃាត់រថយន្ត១គ្រឿង ម៉ាកFUSO ពណ៌ស(គ្មានស្លាកលេខ) ផ្ទុកឈើពកម្រះព្រៅភ្នំចំនួន១ដុំ ទម្ងន់៤០០គីឡូក្រាម ឈើអារម្រះព្រៅភ្នំទំហំ ៦០សម x ៦០សម ប្រវែង៣ម៉ែត្រ ចំនួនដុំ ឈើអារគគីចំនួន១០ដុំ តុមូលម្រះព្រៅភ្នំចំនួន១។

បច្ចុប្បន្ន វត្ថុតាងខាងលើ និងជនសង្ស័យត្រូវបានសមត្ថកិច្ចប្រគល់ឲ្យសង្កាត់រដ្ឋបាលព្រៃឈើសំពៅមាសចាត់ការតាមនីតិវិធីច្បាប់៕