រតនគិរី: គ្រាប់បែកប្រភេទ MK82 ដែលកងទ័ពចក្រព័ទ្ធ អាមេរិកទម្លាក់ក្នុងទឹកដីកម្ពុជាក្នុងអំឡុងសម័យសង្គ្រាម ចម្លោះឆ្នាំ១៩៧០ ដល់១៩៧៩ ត្រូវបានប្រជាពលរដ្ឋ ជីកស្រះប្រទះឃើញ កាលពីថ្ងៃទី១៩ ខែធ្នូ ឆ្នាំ២០១៦ នៅចំណុចភូមិកាផ្លិញ ឃុំល្បាំង១ ស្រុកលំផាត់ នៅព្រឹកថ្ងៃទី២១ ខែធ្នូ ឆ្នាំ២០១៦ ត្រូវបានរៀបចំដឹកយកទៅធ្វើការកម្ទេចចោល ពីសំណាក់អង្គការ MKB និងស៊ីម៉ាក់។

លោក Shathel Fash ប្រធានបច្ចេកទេសនៃអង្គការ MAB បានឲ្យដឹងថា បន្ទាប់ពីការ រាយការណ៍ពីសមត្ថកិច្ចមូលដ្ឋានស្តីពីការប្រទះឃើញយុទ្ធភ័ណ្ឌមិនទាន់ផ្ទុះ ក្រុមបច្ចេកទេស អង្គការលោក បានចុះមកដល់កន្លែងភ្លាម ហើយពិនិត្យឃើញថា ជាប្រភេទគ្រាប់បែក MK82 គុណភាពវានៅល្អ ១០០ភាគរយ។

លោកបន្តថា គ្រាប់បែកនេះមានទម្ងន់២៥០ គីឡូក្រាម ហើយបើផ្ទុះ មានអនុភាពបំផ្លាញដល់៣គីឡូម៉ែត្រឯណោះ ដូច្នេះវាមានគ្រោះថ្នាក់ណាស់សម្រាប់គ្រាប់បែកប្រភេទនេះ ៕