ភ្នំពេញ:ជនសង្ស័យស៊ិន ឆាយ ដែលជាអ្នកជំនាញធ្វើ ដាវសាំម៉ូរ៉ៃ និងកាំបិតខុសច្បាប់ ត្រូវបានសមត្ថកិច្ចខណ្ឌសែនសុខ ធ្វើការឃាត់ខ្លួន កាលពីម៉ោង១១និង៣០នាទីព្រឹកថ្ងៃទី២២ធ្នូ២០១៦នៅផ្លូវលំក្រុម១ភូមិសែនសុខ១សង្កាត់ឃ្មួញខណ្ឌសែនសុខ។
ជនសង្ស័យខាងលើមាន អាយុ៣១ឆ្នាំមុខរបរធ្វើដាវឆ្នៃ្នស្នាក់នៅផ្លូវលំក្រុម១ភូមិសែនសុខ១សង្កាត់ឃ្មួញខណ្ឌសែនសុខ មានស្រុកកំណើតភូមិដើមចាន់សង្កាត់ច្បារអំពៅ២ខណ្ឌមានជ័យ។
សមត្ថកិច្ចបានប្រាប់ថាមុនឈានទៅឃាត់ខ្លួនជនសង្ស័យយខាងលើក្រោយពីមានប្រជាពលរដ្ឋរាយការណ៍ពីទីតាំងខាងលើមានលួចលាក់ធ្វើដាវសាមម៉ូរ៉ៃនិងកាំបិតឆ្នៃសំរាប់លក់អោយក្មេងស្ទាវៗទើបលោក វរ:សេនីយ៍ឯក ម៉ក់ ហុង អធិការខណ្ឌ បានដឹកនាំកម្លាំងចុះទៅបង្ក្រាបដល់ទីតាំងខាងលើភ្លាមៗនិងឃាត់ខ្លួនបានជនសង្ស័យម្នាក់។
សមត្ថកិច្ចបានប្រាប់ទៀតថាជាលទ្ធិផលចុះបង្ក្រាបករណីខាងលើនេះជាលទ្ធផលបានដកហូតដាវសាមម៉ូរ៉ៃដែលធ្វើរួចចំនួន០៣ដើមកាំបិតឆ្នៃចំនួន០៤និងឧបករណ៍សំរាប់ប្រើក្នុងមធ្យោបាយកែឆ្នៃមួយចំនួនផង។បច្ចុប្បន្នជនសង្ស័យត្រូវបានឃាត់ខ្លួនសាកសួរបណ្តោះអាសន្ននៅអធិការដ្ឋាននគរបាលខណ្ឌសែនសុខ៕
មតិយោបល់