កំពតៈ កម្លាំងអធិការដ្ឋាននគរបាលស្រុកបង្ក្រាបជុំគិរី បានចុះបង្ក្រាបករណីប្រើប្រាស់គ្រឿងញៀនមួយកន្លែង ដោយឃាត់ខ្លួនជនសង្ស័យចំនួន៤នាក់ កាលពីវេលាម៉ោង១និង៤៩នាទីរសៀល ថ្ងៃទី២៣ ខែធ្នូ ឆ្នាំ២០១៦ នៅចំណុចទំនប់ព្រៃផ្តៅ ឋិតក្នុងភូមិព្រៃយ៉ាវ ឃុំស្រែក្នុង ស្រុកជុំគីរី ខេត្តកំពត។
សមត្ថកិច្ចបានឲ្យដឹងថា ករណីខាងលើឃាត់ខ្លួនបានជនសង្ស័យចំនួន៣នាក់ ទី១.ឈ្មោះ គុន គីណេត ភេទប្រុស អាយុ១៨ឆ្នាំ នៅភូមិព្រៃយ៉ាវ ឃុំស្រែក្នុង ស្រុកជុំគីរី ទី២.ឈ្មោះ សិទ្ធិ សុបិន ភេទប្រុស អាយុ១៨ឆ្នាំ នៅភូមិព្រៃខ្មែរ ឃុំស្រែក្នុង ស្រុកជុំគីរី និងទី៣.ឈ្មោះ កែវ តុលា ភេទប្រុស អាយុ១៩ឆ្នាំ នៅភូមិព្រៃយ៉ាវ ឃុំស្រែក្នុង ស្រុកជុំគីរី។ រីឯវត្ថុតាងដកហូតបានថ្នាំញៀនចំនួន ១កញ្ចប់តូច។
សមត្ថកិច្ចបន្តថា ជនសង្ស័យទាំងបីនាក់បានសារភាព និងប្រាប់កម្លាំងសមត្ថកិច្ចថាពួកគេនៅមានគ្នាម្នាក់ទៀត ទើបសមត្ថកិច្ចបន្តឃាត់ខ្លួនជនសង្ស័យម្នាក់ទៀតឈ្មោះ ហេង សារិទ្ធ ភេទប្រុស អាយុ៣៥ឆ្នាំ នៅភូមិព្រៃឃ្លៃ ឃុំស្រែចែង ស្រុកជុំគីរី ខេត្តកំពត។
បច្ចុប្បន្ន ជនសង្ស័យទាំង៤នាក់ ត្រូវបានសមត្ថកិច្ចនាំខ្លួនយកមកអធិការដ្ឋាននគរបាលស្រុកដើម្បីកសាងសំណុំរឿង និងបន្តអនុវត្តតាមនីតិវិធីច្បាប់៕
មតិយោបល់