(កំពត) : កាលពីវេលាម៉ោង១:៣០នាទីរសៀលថ្ងៃទី០២ ខែមេសា ឆ្នាំ២០១៦ ស្ថិតនៅក្នុងព្រៃក្បែរអូរ ក្នុងភូមិភ្នំតូចឃុំកណ្តោល ស្រុកទឹកឈូ សាកសពក្មេងស្រីម្នាក់ដែលមានសភាពហើមរលួយត្រូវបានគេប្រទះឃើញស្លាប់ទាំងអាក្រាតកាយនៅក្នុងព្រៃ ។
យោងតាមអធិការនគរបាលស្រុកទឹកឈូបានបញ្ជាក់ឲ្យដឹងថាជនរងគ្រោះ ខាងលើ មានឈ្មោះថា ចុង ស្រីលក័្ខ អាយុ ១៥ឆ្នាំ រស់នៅក្នុងភូមិភ្នំតូច ឃុំកណ្តោល ស្រុកទឹកឈូ ខេត្តកំពត។
យោងតាមការបំភ្លឺរបស់លោក ថៃ ធី និងអ្នកស្រី ប៉ាក់ ថាវី ត្រូវជាអាណាព្យាបាលបានឲ្យដឹងថាកាលពីវេលាម៉ោង១០ព្រឹកថ្ងៃទី០១ខែមេសាឆ្នាំ២០១៦កូនស្រីរបស់គាត់បានទៅរៀននៅអនុវិទ្យាល័យ(ចក្រីទីង)ស្ថិតនៅភូមិឃុំខាងលើតែក្រោយមកគ្រូមិនឲ្យចូលរៀនក៏ត្រលប់មកផ្ទះវិញមកដល់ផ្ទះទុកកាតាបចោលមានគេហៅក៏ត្រលប់ទៅវិញចាប់ពីពេលនោះមកក៏បាត់ខ្លួនរហូតពួកគាត់ស្ថានថាជាករណីចាប់ជំរិត។
តាមការត្រួតពិនិត្យពីសមត្ថកិច្ចបានឲ្យដឹងថាសាកសពគឺមានស្នាមជាំត្រង់កខ្លាំងហើយពុំមានសំលៀកបំពាក់ទេតាមការសន្និដ្ឋានដំបូងគឺជាករណីរំលោភរួចសម្លាប់បំបិតមាត់។
ករណីនេះកម្លាំងជំនាញកំពុងស្រាវជ្រាវនិងស៊ើបអង្កេតដើម្បីវែកមុខរកជនសង្ស័យមកផ្តន្ទាទោសតាម ផ្លូវច្បាប់ ៕
មតិយោបល់