ព័ត៌មានជាតិ

ការជ្រើសរើសជំនាញសិក្សា ជាត្រីវិស័យបង្ហាញពីអាជីពការងារ និងភាពជោគជ័យនាពេលអនាគត

ប្រទេសកម្ពុជាជាប្រទេសកំពុងអភិវឌ្ឍន៍មួយនៅលើពិភពលោក​ បើយើងក្រឡេក​មើល​វិស័យសេដ្ឋកិច្ចនៅលើពិភពលោក​ ក៏ដូចជា នៅប្រទេស​កម្ពុជា​បច្ចុប្បន្ន គឺ​​​មានការប្រែប្រួលមិន​ទៀងទាត់នោះទេ​ រួមជាមួយទីផ្សារការ​ងារដែលមាន​លក្ខណ:តូចចង្អៀតផងនោះ វាបានជះឥទ្ធិពលយ៉ាងខ្លាំងដល់​សិស្សានុសិស្ស និងនិស្សិតគ្រប់រូប។​ ជាមួយគ្នានេះដែរ វាក៏បានក្លាយជាបញ្ហាប្រឈមមួយ​ ដែលនិស្សិតគ្រប់រូប​កំពុង​តែមានការ​ព្រួយបារម្ភ។ ដូច្នេះការជ្រើសរើស​ជំនាញសិក្សាបានដើរតួនាទីយ៉ាង​សំខាន់ក្នុងការ​​​កំណត់ពី​​​គោល​​​​ដៅ​​​​​​ ​​​ផែន​​​ការការងារ​​​ និងផែនការជីវិតរស់​នៅនាពេលអនាគត។ ប្រសិន​បើ​អ្នកបានជ្រើសរើសជំនាញ​សិក្សា​ខុស​ ប្រៀបបី​​​ដូចជាការដើរវង្វេងនៅក្នុង​ព្រៃដ៏សែនជ្រៅដែលមិនងាយ​​រក​ច្រក​ចេញឃើញ។​ ដូចនេះ តើអ្នកគួរសម្រេចចិត្ត​ជ្រើស​​​រើស​​ជំនាញសិក្សាបែបណាដែលត្រឹមត្រូវ​​ល្អ?​​​ ការជ្រើសរើសជំនាញដ៏ត្រឹមត្រូវ​​ គឺត្រូវជ្រើស​រើសជំនាញ​សិក្សា​ដែល​ត្រូវទៅនឹងចំណង់ចំណូល​ចិត្ត​ និង​​អត្ត​ចរិត​របស់​ខ្លួន ជាជំនាញមួយ ដែលទីផ្សារការងារកំពុងត្រូវការ ហើយ​ព្រមទាំងជ្រើសរើសសាលារៀន ឬមហាវិទ្យាល័យណា ដែលមានការទទួលស្គាល់ពី​គ្រប់ស្ថាប័នការងារ​ទាំង​ស្ថាប័ន​រដ្ឋ​​​ និងឯកជន​​ ព្រមទាំងនៅក្នុងស្រុក និងអន្តរជាតិ។ ស្របពេលជាមួយគ្នានេះដែរ បើយើងវិភាគទៅលើទី​ផ្សារ​ទាំង​ក្នុង​ស្រុក​ និងក្រៅស្រុក​ គណនេយ្យ​ ហិរញ្ញវត្ថុ​ និងជាពិសេសសវនកម្ម ​គឺជាការងារមួយដែលបានតម្រូវការច្រើន​ជាងគេ។

ទន្ទឹមនឹងនេះដែរ CamEd Business School គឺជាសាលារៀនមួយដែលមានការបណ្ដុះបណ្ដាលនូវជំនាញគណនេយ្យ​ ហិរញ្ញវត្ថុ និង​សវនកម្ម ​ដែលមានការទទួលស្គាល់ដោយស្ថាប័ន ACCA ដែលជាសមាគមន៍ប្រមូលផ្ដុំនូវគណនេយ្យករ​​ ហិរញ្ញវត្ថុ និង​​​​សវនករ​អន្តរជាតិធំជាងគេនៅលើពិភពលោក រួមជាមួយការទទួលស្គាល់ពីក្រសួងអប់រំ យុវជន និងកីឡា និង​ក្រ​​សួងសេដ្ឋកិច្ច និងហិរញ្ញវត្ថុនៃព្រះរាជាណាកម្ពុជា។ លើសពីនេះ​ សាស្រ្ដាចារ្យជាអ្នក​ដែលមាន​បទ​ពិសោធន៍​​ខ្ពស់​នៅ​ក្នុង​ការបង្រៀន និងការងារ ដែលមកពីសហរដ្ឋអាមេរិក ចក្រភពអង់គ្លេស សឹង្ហបុរី ម៉ាឡេស៊ី និងហ្វីលីភីនផងដែរ។

ជាមួយគ្នានេះដែរ ការសិក្សាជំនាញនៅសាលា ខេមអេដ មិនត្រឹមតែមានការទទួលស្គាល់នៅក្នុងប្រទេសតែប៉ុណ្ណោះទេ​ ប៉ុន្តែលើសពីនេះទៅទៀតនិស្សិតថែមទាំងទទួលបានសញ្ញាបត្រពីចក្រភពអង់គ្លេស និងមានការទទួលស្គាល់រហូត​ដល់១៨៣ប្រទេសលើ​​​ពិ​ភពលោក។​ CamEd ជាសាលារៀនមួយដែលផ្ដល់ឲ្យ​និស្សិតនូវចំណេះដឹង​​​ ជំនាញ និងបទពិសោធន៍​ ដែលនិស្សិតគ្រប់រូបត្រូវការជា​ចាំ​បាច់សម្រាប់ប្រកួតប្រជែងនៅក្នុងវិស័យការងារ​ និងសង្គមរស់នៅទាំងពេលបច្ចុប្បន្ន​ និងអនាគត។ ចាប់ផ្ដើមក្ដោបយកឱកាសដើម្បីឈានទៅរកភាពជោគជ័យក្នុងអាជីពការងារនាពេលអនាគត ដោយ​ចាប់ផ្ដើមសិក្សានៅ CamEd។ ចុះឈ្មោះសិក្សាចាប់ពីថ្ងៃនេះរហូតដល់ថ្ងៃទី១០ ខែមករា ឆ្នាំ២០១៧ ដោយ​ចូលទៅកាន់គេហទំព័រ៖ www.cam-ed.com៕

មតិយោបល់