Post News Media ព័ត៌មានជាតិ កម្មករ​ប្រុសស...

កម្មករ​ប្រុសស្រី​ ១៩នាក់ ស្លាប់និងរបួស​ក្នុងហេតុការណ៍កុងតឺណ័រ បុក ជាមួយស៊ាំយ៉ុង​

ព្រះសីហនុ៖ យោងយោចណាស់កម្មករម្នាក់ស្លាប់ និង ១៨នាក់ទៀត​រងរបួស ក្នុងហេតុការណ៍ គ្រោះថ្នាក់ចរាចរណ៍ រថយន្តកុងតឺណ័រ បុកជាមួយ រថយន្តស៊ាំយ៉ុង នៅវេលាម៉ោង១៩ និង​២០នាទី ថ្ងៃទី​២៩ ខែធ្នូ ឆ្នាំ​២០១៦ ។​

ករណីគ្រោះ​ថ្នាក់ចរាចរណ៍​មួយកើតឡើងលើដងផ្លូវជាតិលេខ ៤ចន្លោះគីឡូម៉ែត្រ ១៩៩និង២០០ ស្ថិតក្នុងភូមិអូរតាសេក ឃុំ​ អូរឧកញ៉ា​ហេងស្រុក​ព្រៃនប់ ខេត្តព្រះសីហនុ ។

បើតាមសាក្សីឃើញហេតុការណ៍ខាងលើបានប្រាប់ឲ្យដឹងថា មុនដំបូងគេឃើញ រថយន្តកុងតេន័រមួយគ្រឿងក្បាលអាមេរិកកាំងពណ៌ស ពាក់ស្លាក​លេខ ភ្នំពេញ3C 7699 ទិសដៅពីត្បូង​ទៅជើងអ្នកបើកបរ​គេចខ្លួនបាត់ លុះមកដល់ចំណុចកើតហេតុបានបុកពីក្រោយរថយន្តមួយគ្រឿងម៉ាកសាំ​យ៉ុងពណ៌សំបកឪឡឹកពាក់ស្លាកលេខព្រះសីហនុ (2AG8230) អ្នកបើកបរគេចខ្លួនបាត់រថយន្ដដឹកកម្មកររោងចក្របណ្តាលឲ្យអ្នករួមដំណើរក្នុងរថយន្តរងរបួសធ្ងន់ម្នាក់ឈ្មោះហេង ង៉ែត ភេទប្រុស អាយុ២៧ឆ្នាំមុខរបរកម្មករមានទីលំនៅភូមិព្រែកក្រាញ់ឃុំសាមគ្គីស្រុកព្រៃនប់ស្លាប់ក្រោយបញ្ជូនដល់គ្លីនិកឯកជនវាលរេញក្រៅពីអ្នកស្លាប់ខាងលើកម្មករកម្មការិនីចំនួន18នាក់រងរបួសស្រាល។
បច្ចុប្បន្នវត្ថុតាងរថយន្តទាំង២គ្រឿងយកទៅរក្សាទុកនៅការិយាល័យចរាចរណ៍ជើងគោក ៕

Loading...