លោក Jose Mourinho មានជំនឿយ៉ាងមុតមាំថា Zlatan Ibrahimovic នឹងរកគ្រាប់បាល់បានលើស៥០គ្រាប់នៅឆ្នាំ២០១៧ខាងមុខ ពោលគឺលើសឆ្នាំ២០១៦នេះ ដែលរូបគេរកបាន៥០គ្រាប់ទៅទៀត។
គិតត្រឹមបច្ចុប្បន្ននេះ ខ្សែប្រយុទ្ធ Zlatan រកបាន៥០គ្រាប់ហើយក្នុងឆ្នាំ២០១៦នេះ ខណៈដែល១០ប្រកួតចុងក្រោយរបស់គេនៅបិសាចក្រហម រកបាន១១គ្រាប់ដែរ។ ខណៈដែលឆ្នាំខាងមុខ ខ្សែប្រយុទ្ធវ័យ៣៥ឆ្នាំរូបនេះ ត្រូវបានគេរំពឹងថានឹងនៅតែធ្វើបានល្អដដែល ហើយអាចនឹងទទួលបានការតកុងត្រាជាមួយក្រុម Manchester United ទៀតផង។
អ្វីដែលកាន់តែពិសេសទៀតនោះ លោក Mourinho ជឿជាក់យ៉ាងខ្លាំងថាខ្សែប្រយុទ្ធសញ្ជាតិស៊ុយអែតរូបនេះ នឹងនៅតែជួយក្រុមបិសាចក្រហមបានច្រើនដដែល ហើយឆ្នាំ២០១៧ខាងមុខ រូបគេអាចនឹងរកគ្រាប់បាល់បានលើស៥០ឯណោះ។
អតីតកីឡាករ PSG រូបនេះ ធ្លាប់បាននិយាយហើយថាខ្លួនដូចជាស្រាអីចឹង អាយុកាន់តែច្រើនកាលណា នោះសមត្ថភាពកាន់តែខ្លាំងទៅតាមហ្នឹងដែរ។ មួយវិញទៀត រូបគេក៏ធ្លាប់បញ្ជាក់ទៀតថាអាចនឹងលេងបាល់ទាត់រហូតដល់អាយុ៥០ឆ្នាំឯណោះ ទើបចូលនិវត្តន៍៕
មតិយោបល់