ភ្នំពេញៈ យាយៗមានគ្នាប្រមាណជាង១០នាក់ បានដួលរណូករណែលពេញផ្លូវ ខណៈដែលពួកគាត់បានធ្វើតាមដំណើរតាមរ៉ឺម៉កកង់បី ស្រាប់តែមានរ៉ឺម៉កដឹកទឹកកកមកបុកពីក្រោយពេញទំហឹង បណ្ដាលឲ្យ​រ៉ឺម៉កកង់បីក្រឡាប់ផ្ងារជើងតែម្ដង។

គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង២និង៤០នាទីរសៀលថ្ងៃទី១ ខែមករា ឆ្នាំ២០១៧ ស្ថិតតាមបណ្តោយផ្លូវសហព័ន្ធរុស្ស៊ីទល់មុខព្រលានយន្តហោះអន្តរជាតិភ្នំពេញ ក្នុងសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។

ប្រភពព័ត៌មានពីយាយៗនៅក្នុងហេតុការណ៍បានឲ្យ​ដឹងថា ពួកគាត់មានគ្នា៧នាក់ រួមទាំងអ្នកបើករ៉ឺម៉កកង់បីធ្វើដំណើតាមផ្លូវសហព័ន្ធរុស្ស៊ីទិសដៅពីលិចទៅកើតក្នុងល្បឿនល្មមលុះមកដល់ចំណុចកើហេតុ ស្រាប់តែមានម៉ូតូដឹកទឹកកកបើក​ពីក្រោយយ៉ាងលឿនមកបុកពីក្រោយរឺម៉កកង់បី ដែលពួកគាត់កំពុងជិះបណ្តាលឲ្យ​ក្រឡាប់ផ្ងារជើង ខ្ទាតពួកគាត់ចេញពីរ៉ឺម៉កកង់បីរេលពេញផ្លូវ ហើយ​បណ្តាលឲ្យ​ពួកគាត់រងរបួសផងដែរ។

ក្រោយកើតហេតុសមត្ថកិច្ចជំនាញបានមកដល់កន្លែងធ្វើការវាស់វែង និងយករ៉ឺម៉កកង់បីនិងម៉ូតូដឹកទឹកកកទៅរក្សាទុកនៅអធិការដ្ឋានខណ្ឌពោធិ៍សែលជ័យ ដើម្បីដោះស្រាយទៅតាមច្បាប់៕

https://youtu.be/z5f5-zAYxLk