ភ្នំពេញ: ជនសង្ស័យប្រុសស្រីចំនួន១០នាក់ ក្នុងនោះមានស្រី៧នាក់ ត្រូវបានកម្លាំងនគរបាលព្រហ្មទណ្ឌខណ្ឌទួលគោក សហការជាមួយកម្លាំងនគរបាលមូលដ្ឋានប៉ុស្តិ៍បឹងកក់១ ធ្វើការឃាត់ខ្លួនជាបន្តបន្ទាប់ ព្រមទាំងដកហូតថ្នាំញៀនចំនួន៧កញ្ចប់ កាលពីម៉ោង២និង៣០នាទីរសៀលថ្ងៃទី២ ខែមករា ឆ្នាំ២០១៧។
មន្រ្តីនគរបាលបានឲ្យដឹងថា នៅមុនពេលកើតហេតុកម្លាំងនគរបាលប៉ុស្តិ៍បឹងកក់២ បានចាប់ខ្លួនជនសង្ស័យម្នាក់ នៅផ្លូវរទេះភ្លើង ស្ថិតក្នុងសង្កាត់បឹងកក់២ ហើយក៏នាំខ្លួនជនសង្ស័យមកសាកសួរ បន្ទាប់ពីបានចម្លើយរួច កម្លាំងបានបន្តចុះបង្ក្រាប រហូតឈានដល់ការឃាត់ខ្លួនជនសង្ស័យ៩នាក់ទៀត ស្ថិតនៅសង្កាត់បឹងកក់១។
ក្រោយឃាត់ខ្លួនជនសង្ស័យទាំង១០នាក់ខាងលើ ត្រូវបាននាំខ្លួនយកមកអធិការដ្ឋាននគរបាលខណ្ឌទួលគោក ដើម្បីធ្វើការសាកសួរ និងកសាងសំណុំរឿងបញ្ជូនទៅតុលាការ៕
មតិយោបល់