បាត់ដំបងៈ បុរសម្នាក់បានស្លាប់ភ្លាមនៅនឹងកន្លែង បន្ទាប់ពីជិះម៉ូតូធ្លាក់ពីចិញ្ចើមផ្លូវ​ បណ្តាលឱ្យដួលបាក់ក។ ហេតុការណ៍នេះ កើតឡើងកាលពីវេលាម៉ោង១០និង៣០នាទីព្រឹកថ្ងៃទី៣ ខែមករា ឆ្នាំ២០១៦ ចំណុចទឹកស្អុយ ភូមិទួលជ្រៃ​ ឃុំសំពៅលូន ​ស្រុកសំពៅលូន ខេត្តបាត់ដំបង។

ជនរងគ្រោះឈ្មោះ ភាព ឃន ភេទប្រុស ​អាយុ៥៥ឆ្នាំ មានទីលំនៅភូមិសាមសិប ឃុំតាក្រី​ ស្រុកកំរៀង​ ខេត្តបាត់ដំបង បានជិះម៉ូតូម៉ាកស្មាស ពាក់ស្លាកលេខ បាត់ដំបង 1I-4964 និងមានពាក់មួកសុវត្ថិភាព ធ្វើដំណើរដល់កន្លែងកើតហេតុបានធ្លាក់ផ្លូវដួលបាក់ស្លាប់តែម្ដង។

បច្ចុប្បន្នសាកសព ត្រូវបានសាច់ញាតិយកទៅធ្វើបុណ្យតាមប្រពៃណី៕