សៀមរាបៈ អគ្គិសនីសៀមរាប បានជូនដំណឹងពីការផ្អាកការផ្គត់ផ្គង់ចរន្តអគ្គិសនី រយៈពេល១ម៉ោងកន្លះ ក្នុងក្រុងសៀមរាប ដើម្បីធ្វើការផ្លាស់ប្ដូរត្រង់ស្វូរចរន្ត និងដោះខ្សែ LV ពីក្បាលត្រង់ស្វូរ។ នេះបើតាមសេចក្ដីជូនដំណឹងរបស់អគ្គិសនីសៀមរាប ចេញផ្សាយនៅថ្ងៃទី១២ ខែមករា ឆ្នាំ២០១៧។

សេចក្ដីជូនដំណឹង បញ្ជាក់ថា នៅថ្ងៃសុក្រ ទី១៣ ខែមករា ឆ្នាំ២០១៧ ចាប់ពីម៉ោង៨៖០០នាទីព្រឹក រហូតដល់ម៉ោង៩៖៣០នាទីព្រឹក នឹងផ្អាកការផ្គត់ផ្គង់អគ្គិសនីនៅបន្ទប់ភ្លើងលេខ០៦ ស្ថិតក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប៕