ក្រចេះ គ្រោះថ្នាក់ចរាចរណ៍មួយបានកើតឡើង រវាងរថយន្តធន់ធំ២គ្រឿង បើកបុកគ្នាពេញទំហឹង បណ្តាលឲ្យតៃកុងម្នាក់ស្លាប់ ចំណែកប្រពន្ធនិងកូនរួមនិងព្រូរថយន្ត២នាក់ទៀត រងរបួសធ្ងន់និងស្រាល ចំណែករថយន្តរេចង្កូតទៅចំណែកផ្លូវម្ខាងម្នាក់។

ហេតុការណ៍នេះបានកើតឡើងកាលពីវេលាម៉ោង៨ និង៣០នាទី ថ្ងៃទី១៦ ខែមករា ឆ្នាំ២០១៧ ស្ថិតនៅចំណុច ឃុំជីក្រង ស្រុកសំបូរ ខេត្តក្រចេះ។

ក្នុងហេតុការណ៍គ្រោះថ្នាក់ចរាចរណ៍នេះដែរ ត្រូវបានគេអះអាងថា បានកើតឡើងរវាងរថយន្តដំរី ស៊េរីចាស់អត់ស្លាកលេខ បុកជាមួយនឹងរថយន្ត ២តោនកន្លះ ពាក់ស្លាកលេខ ព្រៃវែង 3A-0341។

ក្នុងនោះដែរ ក៏បណ្តាលឲ្យតៃកុងរថយន្តម្នាក់ ស្លាប់គៀបជាប់ក្នុងកាប៊ីនរថយន្ត និងបណ្តាលឲ្យស្ត្រីជាប្រពន្ធបាក់ភ្លៅ ដោយមានកូនរួមដំណើរជាមួយ និងព្រូរថយន្ត២នាក់ទៀតរបួសស្រាល ។

ចំណែករថយន្តទាំង២គ្រឿងខ្ទាតទៅចំណែកផ្លូវម្ខាងម្នាក់ ខូចខាតយ៉ាងដំណំ។

ព័ត៌មានលម្អិត Post News នឹងផ្សាយជូនបន្តទៀត៕