ទីក្រុងហុងកុង៖ កំពូលតារាប្រដាល់ជើងខ្លាំងរបស់ហ្វីលីពីន និងលើពិភពលោក កីឡាករ Manny Pacquiao បាននិយាយថា គាត់នឹងសង្ឈឹមដល់ទីបំផុត នឹងបោះជំហានឡើងសង្វៀនវាយជាមួយនឹង Floyd Mayweather នៅឆ្នាំក្រោយ ។
សេចក្តីសង្ឈឹមយ៉ាងមុតមាំនេះ បានកើតឡើង ខណៈដែល តារាប្រដាល់ Manny Pacquiao ធ្វើដំណើរទៅកាន់ទីក្រុងហុងកុង ជាមួយនឹងការផ្សព្វផ្សាយរបស់ខ្លួន ដោយនិយាយថា “គាត់នឹងហានកាត់ម្រាមដៃរបស់ខ្លួន ដោយឆ្នាំក្រោយនេះ វានឹងកើតរឿងដ៏ក្តៅគគុករវាងលោក និង Floyd Mayweather ក្នុងឆ្នាំ ២០១៥ ។ ឥឡូវនេះដែរ ខ្ញុំបានត្រៀមខ្លួនរួចរាល់ហើយ ប្រកួតជាមួយនឹង អ្នកប្រដាល់ Algieri ដែលកើតឡើង ក្នុងពេលដ៏ខ្លីខាងមុខ ពោលគឺថ្ងៃទី ២៣ ខែ វិច្ឆិកា នៅទីក្រុងម៉ាកាវ ” ។
កីឡាករជើងខ្លាំងរូបនេះ បានបន្តទៀតថា សម្រាប់ការផ្សព្វផ្សាយការប្រកួតរវាងលោក និង Algieri នេះ លោកពិតជាសប្បាយខ្លាំងណាស់ ដោយបានឃើញជនជាតិហ្វីលីពីនជាច្រើន រស់នៅទីក្រុងហុងកុងនោះ ។
តើ អ្វីដែល Manny Pacquiao ចង់បាននៅឆ្នាំបន្ទាប់វាអាចកើតឡើងបានដែរឬទេ ?
មតិយោបល់