ភ្នំពេញ: ស្រ្តីជនជាតិចិនម្នាក់បើកបរក្នុងស្ថានភាពស្រវឹងជោគជាំ ក៍រេចង្កូតរថយន្តម៉ាក Highlander ពណ៍ស ពាក់ស្លាកលេខភ្នំពេញ2W-0246 ទៅទុំលើក្បាលរបាំងថ្មចែកទ្រូងផ្លូវ ជាប់កល់ទៅមុខមិនរួច ម្ចាស់មានតែអង្គុយយំ នៅចំណុចផ្លូវលេខ១៨២ កែងផ្លូវកម្ពុជាក្រោម ស្តុបសន្ធរម៉ុក សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។

បច្ចុប្បន្ន សមត្ថកិច្ចនៃអធិការខណ្ឌទួលគោក សហការជាមួយសមត្ថកិច្ចចរាចរនៅស្នងការដ្ឋានរាជធានីភ្នំពេញ បានធ្វើការវាស់វែង ហើយរថយន្តត្រូវបានឃាត់ទុក រង់ចាំនិតិវិធីដោះស្រាយ តាមផ្លូវច្បាប់៕