ភ្នំពេញ: ជនសង្ស័យភេទទី៣ម្នាក់ ត្រូវបានប្រជាពលរដ្ឋនាំគ្នាព្រួតចាប់បាន ហើយវាយមួយដៃមួយជើងរបួសយ៉ាងដំណំ ទើបប្រគល់ឲ្យសមត្ថកិច្ច។ ហេតុការណ៍នេះ បង្កការភ្ញាក់ផ្អើលកាលពីវេលាម៉ោង១រំលងអធ្រាត្រ ឈានចូលថ្ងៃទី២៧ ខែមករា ឆ្នាំ២០១៧ ស្ថិតតាមបណ្តោយផ្លូវព្រះស៊ីសុវត្ថិ កែងផ្លូវ១៣០ ត្រង់ចំណុចសួនច្បារមាត់ទន្លេ ក្នុងសង្កាត់ផ្សារកណ្តាល១ ខណ្ឌដូនពេញ រាជធានីភ្នំពេញ។
ជនសង្ស័យជាភេទទី៣ ដែលឃាត់ខ្លួនបាននោះ ឈ្មោះ សាន់ ដូរីកា ភេទប្រុស តែងខ្លួនធ្វើស្រី អាយុ១៧ឆ្នាំ ធ្វើការនៅបាបារាំង ស្នាក់នៅសង្កាត់ទឹកថ្លា ខណ្ឌសែនសុខ។
បើតាមប្រភពពីអ្នកឃើញហេតុការណ៍បានឲ្យដឹងថា នៅមុនពេលកើតហេតុ គេឃើញបុរសម្នាក់តែងខ្លួនធ្វើជាស្រី (ភេទទី៣) ធ្វើសកម្មភាពឆក់កាបូបរបស់ជនជាតិបរទេស ដែលអង្គុយហូបអីនៅក្នុងភោជនីដ្ឋានមួយកន្លែងបានសម្រេច។ បន្ទាប់មកជនសង្ស័យបម្រុងរត់គេច តែសំណាងអាក្រក់ ប្រជាពលរដ្ឋនាំគ្នាអន្តរាគមន៍ចាប់បាននៅលើសួនច្បារមាត់ទន្លេនាំគ្នាព្រួតវាយមួយដៃមួយជើង បណ្តាលឲ្យរងរបួសយ៉ាងដំណំ។
តាមការរៀបរាប់របស់ជនសង្ស័យជាភេទទី៣ ឱ្យដឹងថា ខ្លួនឆក់កាបូបពីជនបរទេសនោះ មកពីជនជាតិបរទេសនោះ បបួលគេទៅរួមរ័កក្នុងតំលៃ50$ នៅផ្ទះសំណាក់ “លីលី” ពេលរួមរ័ករួចហើយជនជាតិបរទេសនោះ មិនព្រមឱ្យលុយ ទើបរូបគេខឹងក៏ឆក់កាបូបហើយរត់តែម្តង ប៉ុន្តែសំណាងមិនល្អ ត្រូវចាប់បាន ហើយវាយយ៉ាងចាស់ដៃ៕
មតិយោបល់