បន្ទាយមានជ័យ: មានការភ្ញាក់ផ្អើលដល់អ្នកភូមិ និងសមត្ថកិច្ចទៅចោមរោមមើលឈូឆរ ខណ:ដែលក្មេងខ្វាលគោម្នាក់ បានប្រទះឃើញបុរសម្នាក់ស្លាប់ ដោយមានរុំជាប់ជាមួយកន្ទេល និងភួយរួចមកនោះ។ ហេតុការភ្ញាក់ផ្អើលនេះ បានកើតឡើងកាលពីវេលាម៉ោងជាង ១រសៀលថ្ងៃទី៣ ខែកុម្ភ: ឆ្នាំ២០១៧ ស្ថិតនៅចំណុចភូមិត្រពាំងឃុំរហាល ស្រុកព្រះនេត្រព្រះ ខេត្តបន្ទាយមានជ័យ។
មន្ត្រីនគរបាលបញ្ជាក់ថា បន្ទាប់ពីមានដំណឹងថា ក្មេងខ្វាលគោប្រទះឃើញសាកសពនោះ កម្លាំងនគរបាល និងកងរាជអាវុធហត្ថស្រុក បានចុះទៅពិនិត្យសាកសពរងគ្រោះខាងលើ មានរុំកន្សែងពោះគោ និងមានពូថៅ១ ដោយសពមិនស្គាល់អត្តសញ្ញាណនៅឡើយទេ។ មន្ត្រីនគរបាលបញ្ជសក់ថា ជនរងគ្រោះមានអាយុប្រហែល៤០ឆ្នាំ និងមានស្លាកស្នាមកាប់ដោយពូថៅជាច្រើនកន្លែង។ តាមការពិនិត្យលើស្លាកស្នាមជនរងគ្រោះ គឺជាករណីឃាតកម្មសំលាប់ហើយយកសពមកទម្លាក់ចោល។
ខណ:នេះកម្លាំងនគរបាល និងកងរាជអាវុធហត្ថ សហការជាមួយប្រជាពលរដ្ឋ យកសាកសពទៅតម្កល់ទុក ដើម្បីរកសាច់ញាតិមកទទួលយកទៅធ្វើបុណ្យ និងស្រាវជ្រាវរកជនដៃដល់យកមកផ្តន្ទាទោសតាមច្បាប់៕
មតិយោបល់