Post News Media ព័ត៌មានជាតិ នគរបាលស្រុកអង...

នគរបាលស្រុកអង្គស្នួលបង្ក្រាប ក្រុមបញ្ជល់មាន់៤នាក់ ម៉ូតូ៥គ្រឿង មាន់៤ក្បាល និងឧបករណ៍មួយចំនួនទៀត

កណ្តាល: ក្រុមបញ្ជល់មាន់៤នាក់ ត្រូវបាននគរបាលស្រុកអង្គស្នួលដឹកនាំដោយលោកវរសេនីយ៍ មាន សំណាង អធិការស្រុកអង្គស្នួល ចុះបង្ក្រាបបានភ្លាមៗ ខណះក្រុមបញ្ជល់មាន់កំពុងជល់មាន់។

ហេតុការណ៍ចុះបង្ក្រាបនេះកាលពីវេលាម៉ោង២និង៣០នាទី រសៀលថ្ងៃទី០៤ ខែកុម្ភ: ឆ្នាំ២០១៧នេះ នៅចំណុចផ្ទះឈ្មោះ ឃូ លីហួរ ​ភូមិចុងបង្គោល ឃុំបែកចាន ស្រុកអង្គស្នួល ខេត្តកណ្តាល។

លោកវរសេនីយ៍ មាន សំណាង អធិការស្រុកអង្គស្នួល បានប្រាប់ឲ្យដឹងថា ជនល្មើស០៤នាក់
ទី១.ឈ្មោះ ឃូ លីហួរ ភេទប្រុស អាយុ២៥ឆ្នាំ ជនជាតិខែ្មរ មុខរបរកសិករ ​នៅភូមិចុងបង្គោល ឃុំបែកចាន ស្រុកអង្គស្នួល ខេត្តកណ្ដាល (ម្ចាស់ទីតាំង)។
ទី២.ឈ្មោះ សុខ ​ហុយ ភេទប្រុស អាយុ៣០ឆ្នាំ ជនជាតិខ្មែរ មុខរបរជាងម៉ូតូ នៅភូមិបែកចាន ​ឃុំបែកចាន ស្រុកអង្គស្នួល ខេត្តកណ្ដាល។
ទី៣.ឈ្មោះ សែម ​ស៊ុនណារិទ្ធ ភេទប្រុស អាយុ៣៧ឆ្នាំ ជនជាតិខែ្មរ មុខរបរបើកបរ នៅភូមិទួលគោក ​សង្កាត់ទួលសង្កែ ខណ្ឌឫស្សីកែវ​រាជធានីភ្នំពេញ។
ទី៤.ឈ្មោះ ក្រាញ់​ ឡង់ឌី ភេទប្រុស អាយុ២៤ឆ្នាំ ជនជាតិខ្មែរ មុខរបរសិស្ស នៅភូមិបូរីកម្មករ ​ឃុំបែកចាន ​ស្រុកអង្គស្នួល ខេត្តកណ្តាល។
វត្ថុតាងចាប់យករួមមាន មាន់០៤ក្បាល(ងាប់០១) ទូរសព្ទ័ដៃ០៥គ្រឿងក្នុងម៉ាកសាំសុង០២គ្រឿង​ និងម៉ាកអិលជី០១គ្រឿង ម៉ាកអាយហ្វូនហ្វាយ០១គ្រឿង និងម៉ាកនូគាចុចពិល០១គ្រឿង ជញ្ជីងថ្លឹងចំនួន០១ ស្កុតរុំខ្នាយប្រើរួច០៣ដុំ ម៉ូតូ០៥គ្រឿង គុបជ្រុង០២គ្រឿង សេ១២៥ ពីរគ្រឿង វ៉េវ០១គ្រឿង។

លោកអធិការបញ្ជាក់ថា នៅវេលាម៉ោងកើតហេតុខាងលើ កម្លាំងជំនាញអធិការដ្នាននគរបាលស្រុក សហការណ៍ជាមួយប៉ុស្តិ៍បែកចាន បានទទួលព័ត៌មានថា មានមុខ សញ្ញាកំពុងបញ្ជល់មាន់ ហើយក៏ចុះទៅបង្ក្រាបឃាត់ខ្លួន និងវត្ថុតាងខាងលើ។

តាមចម្លើយសារភាពរបស់ជនល្មើសឈ្មោះ ឃូ លីហួ ជាម្ចាស់ផ្ទះឆ្លើយថាខ្លួនជាអ្នកទូរស័ព្ទហៅមិត្តភ័ក្រ មកលេងបញ្ជល់មាន់។ ពេលជល់បាន០១ គូរដាក់លុយ២៤ម៉ឺនរៀល សមត្ថកិច្ចទៅដល់ហើយឃាត់ខ្លួនតែម្តង។

បច្ចប្បន្នជនល្មើសឃាត់ខ្លួននៅអធិការដ្ឋាននគរបាលស្រុកអង្គស្នួលដើម្បីបន្តនីតិវិធី៕