ព្រះសីហនុ: បើតាមសមត្ថកិច្ច បានឲ្យដឹងថា នៅវេលាម៉ោង១១ និង៣០នាទីយប់ថ្ងៃទី០៥ ខែកុម្ភ: ឆ្នាំ ២០១៧ មានករណីគ្រោះថ្នាក់ចរាចរណ៍មួយ បង្កឡើងដោយខ្លួនឯង បានកើតឡើងលើដងផ្លូវជាតិលេខ៤ ចន្លោះគីឡូម៉ែត្រ ១៨២ និង ១៨៣ ស្ថិតក្នុងឃុំសំរុង ស្រុកព្រៃនប់ ខេត្តព្រះសីហនុ ។
តាមសមត្ថកិច្ច បាននិយាយថា ម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខព្រះសីហនុ 1B 9790 បើកបរដោយឈ្មោះ តឹប សំណាង ភេទប្រុសអាយុ២៧ ឆ្នាំ មានទីលំនៅភូមិ-ឃុំ-ស្រុកខាងលើ ទិសដៅពីភ្នំពេញមកខេត្តព្រះសីហនុ មកដល់ចំណុចកើតហេតុខាងលើ បានជ្រុលចង្កូតទៅខាងស្តាំដៃ រួចបុកដើមឈើបណ្តាលឲ្យស្លាប់ភ្លាមៗនៅកន្លែង។
បច្ចុប្បន្ន សាកសពត្រូវបានសាច់ញាតិយកទៅធ្វើបុណ្យតាមប្រពៃណី៕
មតិយោបល់