ភ្នំពេញៈ នាវេលាម៉ោង ២និង១០នាទីយប់រំលងអាធ្រាត្រឈានចូលថ្ងៃទី១២ ខែតុលា ឆ្នាំ២០២២ មានករណីជនជាតិចិន បើករថយន្តបុកសួនច្បារ បណ្ដាលឲ្យរងការខូចខាត ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
ដំណើររឿង៖ មុនពេលកើតហេតុគេឃើញបុរសជាជនជាតិចិនម្នាក់ ស្រវឹងជោកជាំបើកបររថយន្តមួយគ្រឿងម៉ាក លុចស៊ីសCT200h ពណ៌ស ពាក់ស្លាកលេខ ភ្នំពេញ 2BH-4779 ធ្វើដំណើរតាមបណ្ដោយផ្លូវ៤៧ ទិសដៅពីត្បូងទៅជើងនិងក្នុងល្បឿនយ៉ាងលឿន លុះដល់ចំណុចកើតហេតុរថយន្តនោះ ក៏បានបួងចង្កូតបត់ស្តាំបំណងឡើងទៅស្ពានជ្រោយចង្វារ ដោយខ្វះការប្រុងប្រយ័ត្នក៏ជ្រុលទៅបុកខឿនសួនច្បារពេញទំហឹង បណ្តាលឲ្យបាក់បែកខឿនសួនច្បារអស់ជិត ១០ដុំ ចំណែកឯរថយន្តបានរងការខូចខាតក្រពឹត និងបាក់ក្រឡេកង់ខាងមុខចំហៀងខាងឆ្វេងទៅមុខលែងរួច។
ក្រោយពេលកើតហេតុសមត្ថកិច្ចជំនាញ បានចុះមកដល់ទីតាំងវាស់វែងស្ទូចយករថយន្តបង្ក ទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននរគបាលរាជធានីភ្នំពេញ ដើម្បីរង់ចាំធ្វើការដោះស្រាយទៅតាមផ្លូវច្បាប់នៅពេលក្រោយជាបន្តទៀត៕
![](https://i0.wp.com/postnews.com.kh/wp-content/uploads/2022/10/postnews.com.kh.2022-10-12_11-34-42.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/10/postnews.com.kh.2022-10-12_11-34-50.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/10/postnews.com.kh.2022-10-12_11-34-58.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/10/postnews.com.kh.2022-10-12_11-35-04.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/10/postnews.com.kh.2022-10-12_11-35-10.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/10/postnews.com.kh.2022-10-12_11-35-17.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/10/postnews.com.kh.2022-10-12_11-35-23.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/10/postnews.com.kh.2022-10-12_11-35-28.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/10/postnews.com.kh.2022-10-12_11-35-33.jpg?fit=1000%2C750&ssl=1)
មតិយោបល់