Post News Media ព័ត៌មានជាតិ គឿងញៀនពេញប្រទ...

គឿងញៀនពេញប្រទេស! ឃាត់ខ្លួនយុវជនម្នាក់ ដកហូតបានគ្រឿង១១កញ្ចប់ នៅកំពត

កំពត: សមត្ថកិច្ចស្រុកទឹកឈូ ដែលដឹកនាំដោយលោកនាយប៉ុស្តិ៍កោះតូច បង្ក្រាបបានឈ្មួញជួញដូរគ្រឿងញៀនម្នាក់ ដកហូតបានគ្រឿងញៀន១១កញ្ចប់ នៅរសៀលថ្ងៃទី៦ ខែកុម្ភ: ឆ្នាំ២០១៧ម្សិលមិញ នៅចំនុចតំបន់ក្តាត ភូមិព្រែកអំពិល ឃុំកោះតូច ស្រុកទឹកឈូ ខេត្តកំពត។

លោកអនុសេនីយ៍ឯក ឈុន ឈឿន នាយផ្នែកសេនាធិការស្រុកទឹកឈូ បានឲ្យដឹងថា ជនល្មើសដែលឃាត់ខ្លួនបាន ឈ្មោះ ឯម ញ៉ាញ់ ភេទប្រុសអាយុ២១ឆ្នាំ រស់នៅភូមិឃុំ កើតហេតុខាងលើ។ ចំនែកវត្ថុតាងដែលដកហូតរួមមាន ម្សៅក្រាមពណ៌ស (ហៅថាម៉ាទឹកកក) បានចំនួន១១កញ្ចប់ ក្នុងនោះ៦កញ្ចប់ធំ និង៥កញ្ចប់តូច ទូរសព្ទ័ដៃ១គ្រឿង និងលុយខ្មែរ១៥,០០០រៀល។

បច្ចុប្បន្នជនល្មើសកំពុងត្រូវបានឃុំខ្លួនបណ្តោះអាសន្ន នៅស្នងការដ្ឋាននគរបាលខេត្ត ដើម្បីចាត់ការបន្តបញ្ជូនទៅតុលាការ៕