ប៉ៃលិន: ស្នងការដ្ឋាននគរបាលខេត្តធ្វើការបង្ក្រាបករណីជួញដូរនិង ប្រើប្រាស់គ្រឿងញៀនខុសច្បាប់ និងបានធ្វើការឃាត់ខ្លួនជនសង្ស័យបានចំនួន០៣នាក់ កាលពីវេលាម៉ោង១និង៣០នាទី យប់ថ្ងៃទី៧ ខែកុម្ភ: ឆ្នាំ២០១៧នេះ នៅចំណុចស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
អនុសេនីយ៍ទោ វ៉ន វាសនា បានឲ្យដឹងថា ក្រោមការដឹកនាំរបស់លោកឧត្តមសេនីយ៍ត្រី ជា ចាន់ឌិន ស្នងការនគរបាលខេត្តប៉ៃលិន បានចាត់ឲ្យកម្លាំងផែននគរបាលប្រឆាំងបទល្មើសគ្រឿងញៀន ដឹកនាំដោយលោកវរសេនីយ៍ត្រី ផង់ ជឿម នាយការិយាល័យ ប្រឆាំងបទល្មើសគ្រឿងញៀន ដើម្បីដឹកនាំកងកម្លាំង ចុះធ្វើការបង្ក្រាបកន្លែងជួញដូរនិង ប្រើប្រាស់គ្រឿងញៀនខុសច្បាប់ចំនួនមួយកន្លែង និងបានធ្វើការឃាត់ខ្លួនជនសង្ស័យបានចំនួន០៣នាក់ នៅចំណុចខាងលើ។
ជនសង្ស័យមានឈ្មោះដូចខាងក្រោម:
១- ស៊ុន វុទ្ធី ហៅអាចាវ ភេទប្រុស អាយុ២៩ឆ្នាំ
២- ចាន់ បូរី ភេទប្រុស អាយុ១៨ឆ្នាំ
៣- រឿង សុខហឿន ភេទប្រុស អាយុ២៥ឆ្នាំ។
បច្ចុប្បន្នសមត្ថកិច្ចជំនាញ កំពុងត្រូវបានស៊ើបអង្កេតស្រាវជ្រាវរកបក្ខពួក និងចាត់ការតាមនិតិវិធីច្បាប់៕
មតិយោបល់