ព្រះសីហនុៈ នៅវេលាម៉ោង ០៨ ព្រឹកថ្ងៃទី២៦ ខែកុម្ភៈនេះ មានករណីបុរសម្នាក់ដេកស្លាប់ នៅបរិវេណសួនច្បារ ក្នុងចំណតបេនឡាន អតីតមហោស្រពចាស់ ដែលស្ថិតក្នុងក្រុមទី០៤ ភូមិ០២ សង្កាត់លេខ០២ ខេត្តព្រះសីហនុ ។
កម្លាំងមូលដ្ឋានកងរាជអាវុធហត្ថក្រុងព្រះសីហនុ បានចុះសហការជាមួយលោកចៅសង្កាត់លេខ០២ រួមនឹងមន្រ្តីជំនាញបច្ចេកទេសវិទ្យាសាស្ត្រ នៃស្នងការនគរបាលខេត្តចុះស្រាវជ្រាវ បានឲ្យដឹងថា សាកសពបុរសខាងលើ ឈ្មោះ រ៉ា ភេទប្រុស អាយុជាង ៣០ឆ្នាំ មុខរបរ ជាងដេរស្បែកជើងផ្សារលើ ក្រុងព្រះសីហនុ មានទីលំនៅមិនពិតប្រាកដ ។
ក្រោយពីការធ្វើកោសល្យវិច្ច័យ និងត្រួតពិនិត្យយ៉ាងល្អិតល្អន់ សមត្ថកិច្ចបានសនិ្នដ្ឋានថា ជនរងគ្រោះ គឺស្លាប់ដោយសារផឹកស្រា ធ្លាយក្រពេះ។
បច្ចុប្បន្ន សាកសព ត្រូវបានយកទៅបូជា នៅវត្តឥន្ទញ្ញាណ ( វត្តក្រោម )៕
មតិយោបល់