ភ្នំពេញៈ ជនសង្ស័យម្នាក់ ត្រូវបានសមត្ថកិច្ចចាប់ខ្លួន ពាក់ពន្ធ័ករណីគ្រឿងញៀន ក្រោយពីឆែកឆេរ រកឃើញមានថ្នាំញៀននៅជាប់នឹងខ្លួន។ ការចាប់ខ្លួននេះបានធ្វើឡើងកាលពីវេលាម៉ោង ៩និង៤០នាទី យប់ថ្ងៃទី ២៨ ខែកុម្ភៈ ឆ្នាំ២០១៧ ស្ថិតនៅចំណុចផ្លូវលេខ១៥៦ កែងផ្លូវលេខ២៧១ ក្រុមទី៣៦ ភូមិ១២ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។
ជនសង្ស័យមានឈ្មោះ ជិន សុភ័ណ្ឌ ហៅភ័ណ្ឌ ភេទប្រុស អាយុ៣៨ឆ្នាំ មុខរបរ
កម្មករសំណង់ ស្នាក់នៅក្នុងការដ្ឋានសំណង់ សង្កាត់ទឹកល្អក់ទី៣ ខណ្ឌទួលគោក ។
ក្នុងនោះដែរ សមត្ថកិច្ចធ្វើការដកហូតបាន ក្រាមពណ៌សថ្លាចំនួន១កញ្ចប់ធំល្មមសង្ស័យជាគ្រឿងញៀន និងជំពាមកៅស៊ូចំនួន១។
មុននឹងឈានដល់ការចាប់ខ្លួនបានជនសង្ស័យខាងលើ កម្លាំងសហប៉ុស្តិ៍ នៃអធិការដ្ឋាននគរបាលខណ្ឌទួលគោក បានធ្វើការល្បាត នៅក្នុងមូលដ្ឋាន រួចទៅឈប់ ធ្វើការពួនស្ទាក់ក៏បានជួបប្រទះជនសង្ស័យដើរចេញមក ពីត្រពាំងឈូកសង្កាត់ទឹកថ្លា
ខណ្ឌសែនសុខ ឆ្លងកាត់បានធ្វើការត្រួតពិនិត្យឆែកឃើញ មានគ្រឿងញៀន១កញ្ចប់ នៅក្នុងខ្លួន ក៏ធ្វើការឃាត់ខ្លួន ជាក់ស្តែងរួមទាំងវត្ថុតាងនាំ មកសាកសួរនៅអធិការដ្ឋានតែម្តង។
បច្ចុប្បន្នជនសង្ស័យខាងលើ កំពុងឃាត់ខ្លួនបណ្តោះអាសន្ននៅ អធិការដ្ឋាននគរបាលខណ្ឌទួលគោក ដើម្បីកសាងសំណុំរឿង បញ្ជូនខ្លួនទៅកាន់សាលាដំបូងរាជធានីភ្នំពេញ ចាត់ការតាមផ្លូវច្បាប់ ៕
មតិយោបល់