កណ្តាល: មានជនរងគ្រោះម្នាក់បានស្លាប់ភ្លាមៗ និងម្នាក់ទៀតរងរបួសធ្ងន់ ដោយសារម៉ូតូសណ្តោងរ៉ឺម៉កបុកជាមួយ ម៉ូតូសង់កូរ៉េ ហេតុការណ៍នេះបានកើតឡើងថ្ងៃទី០៨ ខែមីនា ឆ្នាំ២០១៧ វេលាម៉ោង១និង៣០នាទី នៅលើកំណាត់ផ្លូវលេខ៣៨០ ត្រង់ចំណុចភូមិព្រែកល្វាឃុំព្រែកតាកូវ ស្រុកខ្សាច់កណ្តាល ខេត្តកណ្តាល។

បើតាមលោកវរសេនីយ៍ទោ ម៉ែន សុខឃឿន អធិការស្រុកបានឲ្យដឹងថា បង្កឡើងដោយម៉ូតូ សណ្តោងរ៉ឺម៉ក០១គ្រឿងម៉ាកវ៉េយធន់សេ១១០ ពណ៍ខ្មៅ ពាក់លាយក្រហម គ្មានស្លាកលេខ បើកបរដោយឈ្មោះ តយ សាម៉េត ភេទប្រុស អាយុ២១ឆ្នាំ រស់នៅសង្កាត់ព្រៃវែង ខណ្ឌដង្កោ ក្រុងភ្នំពេញ ជាកម្មសិទ្ធរបស់ឈ្មោះ តយ សាម៉េត បានធ្វើដំណើរក្នុងទិសដៅ ពីត្បូងទៅជើង លុះមកដល់ត្រង់ចំណុចកើតហេតុខាងលើ មិនប្រកាន់ស្តាំដៃរបស់ខ្លួន បានរ៉េចង្កូត មកបុកជាមួយម៉ូតូ០១គ្រឿងម៉ាកហុងដាកូរ៉េ ធន់សេ១០០ ពណ៍ក្រហមពាក់ស្លាកលេខ ឆ១-ក៣៨៨៧ និងបើកបរដោយឈ្មោះ ទូច មាឃ ភេទប្រុស អាយុ៦០ឆ្នាំ (ស្លាប់) និងរស់នៅភូមិលើឃុំស្វាយជ្រុំ ស្រុកខ្សាច់កណ្តាល ខេត្តកណ្តាល និងអ្នកបើកបរម៉ូតូបង្ក ត្រូវបានសមត្ថកិច្ចឃាត់ខ្លួន។

ក្រោយពីកើតហេតុសមត្ថកិច្ចជំនាញស្រុក បានចុះទៅធ្វើការវាស់វែង និងបញ្ចូនជនរងគ្រោះទៅមន្ទីរពេទ្យ និងសាកសពប្រគល់ជូនក្រុមគ្រួសារយកទៅធ្វើបុណ្យ តាមប្រពៃណីដោយឡែក វត្ថុតាងនាំយកទៅអធិការស្រុកដើម្បីចាត់ការតាមផ្លូវច្បាប់៕