ភ្នំពេញ: កំលាំងផ្នែកយុត្តិធម៌ នៃអធិការដ្ឋនគរបាលខណ្ឌទួលគោក បានឃាត់ខ្លួនជនសង្ស័យ១នាក់ ពីបទជួញដូរដោយខុសច្បាប់នូវសារធាតុញៀន នាវេលាម៉ោង០៤ ល្ងាចថ្ងៃទី១០ ខែមិនា ឆ្នាំ២០១៧នេះ នៅចំណុចផ្លូវលេខ៦០៨ កែងផ្លូវធ្វើថ្មី ក្រុមទី៤៨ ភូមិ១២ សង្កាត់បឹងកក់ទី១ខណ្ឌទួលគោក។

ប្រភពពីសមត្ថកិច្ចបានឲ្យដឹងថា កាលពីម៉ោង និងចំណុចកើតហេតុខាងលើ សមត្ថកិច្ចបានចុះធ្វើការបង្រ្កាបជាក់ស្តែងដោយជួបប្រទះឃើញជនសង្ស័យកំពុងឈរធ្វើសកម្មភាព លក់គ្រឿងញៀន ហើយឃាត់ត្រួតពិនិត្យរកឃើញគ្រឿងញៀនចំនួន០៥កញ្ចប់តូច លាក់ទុកនៅក្នុងមួកសវត្ថភាព។ សង្ស័យឈ្មោះ ម៉ិញ វង្ស ហៅវង្ស ភេទប្រុស អាយុ២៤ឆ្នាំ មុខរបររត់ម៉ូតូឌុប ស្នាក់នៅចល័តតាមផ្ទះសំណាក់ មានស្រុកកំណើត ភូមិកំពង់លើ ឃុំក្បាលត្រាច ស្រុកក្រគរ ខេត្តពោធិសាត់។

វត្ថុតាងចាប់យករួមមាន ក្រាមពណ៌សថ្លា ចំនួន០៥កញ្ចប់តូចសង្ស័យជាគ្រឿងញៀន ម៉ូតូចំនួន០១គ្រឿងម៉ាក Honda វេវ ពណ៌ស្លែបិតខ្មៅ និងមួកសុវត្ថិភាពចំនួន១ពណ៌ប្រផេះ (សំរាប់លាក់ ទុកគ្រឿងញៀន) លុយខ្មែរចំនួន៦២៥០០៛ និងទូរស័ព្ទចាស់ចំនួន៣គ្រឿង (ម៉ាកNokia ពណ៌ខៀវ ម៉ាកSamsung ពណ៌ខ្មៅ និងម៉ាកHIP ពណ៌ខ្មៅ)។

ជនសង្ស័យត្រូវឃាត់នាំខ្លួនមកអធិការដ្ឋានធ្វើការសាកសួរ និងកសាងសំណុំរឿងបញ្ជូន ទៅសាលាដំបូងរាជធានីភ្នំពេញចាត់ការតាមផ្លូវច្បាប់៕