កំពត: ក្មេងស្រីអានាថាម្នាក់ បានឡើងលើបន្កាន់ដៃស្ពាន បម្រុងលោតទឹក តែក៏ត្រូវបុរសពីរនាក់ រួមនិងសមត្ថកិច្ច ជួយរួចពីគ្រោះថ្នាក់ បន្ទាប់ពីគេបានរត់ចេញពីមន្ទីពេទ្យបង្អែកខេត្ត។

ហេតុការនេះបង្កភាពភ្ញាក់ផ្អើលយ៉ាងខ្លាំងនៅវេលាម៉ោងប្រមាណជាង៣ រសៀលថ្ងៃទី១១ ខែមីនា ឆ្នាំ២០១៧នេះ នៅចំនុចស្ពានឥន្ធនូ ឬស្ពានចាស់ ក្នុងភូមិកំពង់បាយខាងត្បូង សង្កាត់កំពង់បាយ ក្រុងកំពត។

នគរបាលមូលដ្ឋានបានអោយដឹងថា គេពុំមានប្រភពណាមួយស្គាល់ពីអត្តសញ្ញាណ ក្មេងស្រីនេះឡើយ ហើយជុំវិញករណីដែល រូបគេឡើងលើបន្កាន់ដៃស្ពាន់ បម្រុងលោតទឹកនេះ ទំនងជាមានសភាពបែកថ្នាំ ឬក៏វិកលចរិត។

បើតាមប្រភពពីស្ត្រីចំណាស់ម្នាក់ដែលធ្វើការនៅមន្ទីរពេទ្យបង្អែកខេត្ត បានមានប្រសាសអោយដឹងថា ក្មេងស្រីខាងលើ គេបានឃើញដើរតែម្នាក់ឯង ហើយពេលសួរនាំនាងថាមកពីស្វាយរៀង ជួនកាលថាមកពីកំពង់ចាម។

ទោះជាយ៉ាងណាក៏ដោយ ពុំមានប្រភពច្បាស់អំពី ក្មេងស្រីខាងលើឡើយ គ្រាន់តែដឹងថាមានវ័យប្រមាណជា១៧ឆ្នាំ មាមសភាពដូចវិកលចរិត ឬ បែកថ្នាំជាដើម។

ដូចបញ្ជាក់ថាក្មេងស្រីខាងលើ បានរត់ចេញពីមន្ទីរពេទ្យបង្អែកខេត្តកំពត ហើយបានឡើងលើបង្កាន់ដៃស្ពាន កំពស់ប្រមាណ៦ម៉ែត្រ ស្រែកតែម្នាក់ឯង បម្រុងចង់លោតទឹក តែក៏បានបុរសស្ម័គ្រចិត្តពីរនាក់ និងអាវុធហត្ថចិត្តធម៌ម្នាក់ ឡើងតាមជួយសង្គ្រោះរួចពីគ្រោះថ្នាក់៕

https://www.youtube.com/watch?v=Nw-hOuT5hG8&feature=youtu.be