ភ្នំពេញៈ នៅថ្ងៃទី១២ ខែមីនា វេលាម៉ោង ៩ និង១៥នាទី កម្លាំងជំនាញផ្នែកគ្រឿងញៀនខណ្ឌប៉ុស្តិ៍ បានបើកកិច្ចប្រតិបត្តិការបង្ក្រាបករណីជួញដូរនូវសារធាតុញៀនខុសច្បាប់​ ស្ថិតនៅចំណុចតំបន់មិនរៀបរយជួរមាត់ទន្លេរ ផ្លូវលំ ក្រុមទី១០ ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ។

ក្រោយកិច្ចប្រតិបត្តិការ សមត្ថកិច្ចបានធ្វើការឃាត់ជនសង្ស័យម្នាក់ ឈ្មោះ គង់ ពន្លី អាយុ ៣០ ឆ្នាំជនជតិខ្មែរ មុខរបរមិនពិតប្រាកដ ស្នាក់នៅបន្ទប់ជួលក្រុម១០ ភូមិស្ពានខ្ពស់ (ជួញដូរ)។

ចំណែកវត្ថុតាងដកហូតរួមមាន ក្រាមពណ៌សថ្លាចំនួន០១ កញ្ចប់ ធំ, ៣កញ្ចប់តូច, ជញ្ជីងថ្លឹងគ្រឿងញៀនចំនួន១, ឧបករណ៍ប្រើប្រាស់គ្រឿងញៀនមួយចំនួន និងសម្ភារបម្រើឲ្យសកម្មភាពចរាចរគ្រឿងមួយចំនួនផងដែរ។

បច្ចុប្បន្នកម្លាំងអធិការដ្ឋាន កំពុងបន្តធ្វើការស្រាវជ្រាវរកបក្ខពួកជនសង្ស័យ និងកសាងសំណុំរឿងចាត់ការតាមនីតិវិធីច្បាប់៕