ភ្នំពេញៈ ជនសង្ស័យប្រុសស្រីចំនួន៥នាក់ និងគ្រឿងញៀនមួយចំនួនតូច ត្រូវបានលោក ម៉ក់ ហុង អធិការនគរបាលខណ្ឌសែនសុខ ដឹកនាំកម្លាំងឆ្មក់ចុះបង្ក្រាបរោងតាមច្រកផ្លូវតូចមួយកន្លែង កាលពីវេលាម៉ោង១១ និង៣០នាទីព្រឹក ថ្ងៃទី១៦ ខែមីនា ឆ្នាំ២០១៧ នៅខាងមុខផ្សារហេងលី តំបន់ត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ។

ក្នុងប្រតិបត្តិការចុះបង្ក្រាបលោក ម៉ក់ ហុង អធិការនគរបាលខណ្ឌសែនសុខ បានប្រាប់ឲ្យដឹងថា ជាលទ្ធផលកម្លាំងចុះបង្ក្រាបបានជនសង្ស័យចំនួន៥នាក់ ស្រីចំនួន២នាក់ និងគ្រឿងញៀនក្រាមសថ្លា ១កញ្ចប់តូច នៅក្នុងរោងតាមផ្លូវតូច តំបន់ត្រពាំងឈូក ស្ថិតនៅភូមិបុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ និងនាំយកទៅពិនិត្យរកសារធាតុញៀន បើមានត្រូវបញ្ជូនទៅមណ្ឌលកែប្រែដើម្បីស្តារនីតិសម្បទារ និងបញ្ជូនទៅតុលាការធ្វើការសម្រេចតាមនីតិវិធីច្បាប់។

លោកបានបន្តទៀតថា ចំពោះតំបន់ត្រពាំងឈូកគឺជាចំណុចក្តៅត្រូវបោសសម្អាត ទប់ស្កាត់ មិនឲ្យមានរូបភាពការជួញដូរប្រើប្រាស់ យ៉ាងអណាធិបតេយ្យកើតឡើងដូចមុនឡើយ ហើយកម្លាំងយើងបានបង្កើតទីបញ្ជាការស្រាល ដោយផ្លាស់ប្តូរកម្លាំង២៤ម៉ោងលើម៉ោង ដើម្បីឆែកឆេរ មិនឲ្យមានការចរាចរគ្រឿងញៀនបានឡើយ។

បច្ចុប្បន្នជនសង្ស័យទាំង៥នាក់រួមទាំងវត្ថុតាងគ្រឿងញៀន ត្រូវបានសមត្ថកិច្ចនាំយកទៅឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌសែនសុខ ដើម្បីត្រួតពិនិត្យទឹកនោម និងកសាងសំណុំរឿងចាត់ការតាមនីតិវិធីច្បាប់៕

https://youtu.be/d-KBoWvwqxI