ភ្នំពេញៈ ការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញបានធ្វើការស្រាវជ្រាវចាប់ខ្លួនបានជនសង្ស័យម្នាក់ ដែលជាមុខសញ្ញាឆក់យ៉ាងសកម្មក្នុងរាជធានីភ្នំពេញ។

ការចាប់ខ្លួននេះបានធ្វើឡើងកាលពីវេលាម៉ោង ១០ និង៨នាទី ថ្ងៃទី២១ ខែមីនា ឆ្នាំ២០១៧ ស្ថិតនៅចំណុចស្ថានីយប្រេងឥន្ធនៈPTT ផ្លូវលេខ២០០៤ សង្កាត់ទឹកថ្លា ខណ្ឌសែនសុខ រាជធានីភ្នំពេញ។

ជនសង្ស័យដែលសមត្ថកិច្ចចាប់ខ្លួនបានខាងលើនេះ មានឈ្មោះ ឌុល សុខាផាឌុន ភេទប្រុស អាយុ២៣ឆ្នាំ ស្នាក់នៅផ្ទះលេខ២៣៧ ផ្លូវលំ ភូមិមានជ័យថ្មី សង្កាត់ស្ទឹងមានជ័យ ខណ្ឌមានជ័យ ដកហូតបាន ម៉ូតូមួយគ្រឿងម៉ាក ស៊ុយសាគីនិច ពណ៌ខ្មៅ ស៊េរីឆ្នាំ២០១៣ ពាក់ស្លាកលេខ ភ្នំពេញ 1FQ-4553ជារបស់ជនសង្ស័យ។

គួរបញ្ជាក់ផងដែរថា ជនសង្ស័យខាងលើនេះ គឺជាមុខសញ្ញាឆក់ទូរសព្ទម៉ាកIPhone 6Plus ពណ៌ផ្កាឈូក ពីជនរងគ្រោះកាលពីវេលាម៉ោងប្រហែល១០ យប់ ថ្ងៃទី១៧ខែមីនា ឆ្នាំ២០១៧ នៅចំណុចមុខសណ្ឋាគាររីឡេកផ្ទះលេខ៨១ ផ្លូវលេខ៣២០កែងផ្លូវលេខ១០៥ ក្រុម៣២ ភូមិ៦ សង្កាត់បឹងកេងកង៣ ខណ្ឌចំការមន រាជធានីភ្នំពេញ ។

បច្ចុប្បន្នជនស្ស័យខាងលើ ត្រូវបានសមត្ថកិច្ចជំនាញធ្វើការសាកសួរ និងកសាងសំណុំរឿងបញ្ជូនខ្លួនទៅកាន់ តុលាការចាត់ការតាមផ្លូវច្បាប់៕