ជីកាហ្គូ៖ ក្មេងស្រីវ័យ ១៥ ឆ្នាំម្នាក់ រស់នៅក្នុងរដ្ឋ Chicago ត្រូវបានបុរសមួយក្រុមចាប់រំលោភ និងផ្សាយផ្ទាល់តាមបណ្តាញសង្គម Facebook ក្រោមក្រសែភ្នែកមនុស្សរាប់សិបនាក់ មុននឹងវាត្រូវបានលុបចេញ។

យោងតាមអាជ្ញាធរក្នុងតំបន់ថ្លែងឱ្យដឹងនៅថ្ងៃអង្គារ៍មុននេះ វីដេអូដែលបង្ហាញអំពើហិង្សាលើផ្លូវភេទដ៏ឃោឃៅនេះ ក្រោយពីបានបែកធ្លាយទៅដល់ភ្នែកមនុស្ស ៤០ នាក់ វាក៏ត្រូវបានលុបចោលភ្លាមៗចេញពីបណ្តាញសង្គមភ្លាមៗផងដែរ។ លោកបន្ថែមថា បច្ចុប្បន្នភ្នាក់ងារប៉ូលិសកំពុងតាមប្រមាញ់ជនសង្ស័យដែលមានគ្នាប្រមាណពី ៥ ទៅ ៦ នាក់។

គួរបញ្ជាក់ថា ករណីអំពើហិង្សាផ្សាយផ្ទាល់តាមបណ្តាញសង្គមនេះ គឺមិនមែនជាលើកទីមួយទេ។ នៅរំលងប៉ុន្មានខែមុន ក៏មានករណីប្រើប្រាស់អំពើហិង្សាលើបុរសម្នាក់ផ្សាយផ្ទាល់តាមបណ្តាញដែលមានអ្នកប្រើប្រាស់ប្រចាំថ្ងៃ ១.៨ ពាន់លាននាក់នេះ ផងដែរ ហើយក្រោមការស៊ើបអង្កេតរបស់សមត្ថកិច្ច ក្នុងខែមករា មនុស្ស​បួននាក់ត្រូវបានចាប់ខ្លួន៕

ប្រភពព័ត៌មាន: cnet