ភ្នំពេញ: កម្លាំងជំនាញរបស់ មន្ទីរប្រឆាំងគ្រឿងញៀន បានបើកកិច្ចប្រតិបត្តិការបង្ក្រាបករណីជួញដូរគ្រឿងញៀន នៅចំណុចផ្ទះជួល ភូមិដង្កោរ សង្កាត់ដង្កោរ ខ័ណ្ឌដង្កោរ រាជធានីភ្នំពេញ នៅវេលាម៉ោង១និង៣០នាទី ថ្ងៃទី១៣ ខែឧសភា ឆ្នាំ ២០១៦។

សមត្ថកិច្ចបានប្រាប់ឲ្យដឹងថា ជាលទ្ធផល កម្លាំងចាប់បានជនល្មើស ៥នាក់ ខ្មែរ២នាក់ និងនីហ្ស៊េរីយ៉ា៣នាក់ ដកហូតវត្ថុតាង គ្រឿងញៀនប្រភេទម៉េតំហ្វេតាមីន ទឹកកក ទម្ងន់ ជាង១គីទ្បូក្រាម៕