កណ្តាល: បុរស២នាក់ លើកដែកថ្នាំងអំពៅចាក់ប្លន់សេមិនប្រយ័ត្ន ប៉ះខ្សែកាបស្រូបចរន្តអគ្គិសនី បណ្តាលឲ្យឆក់ទាំង២នាក់ តែមិនបណ្តាលឲ្យបាត់បង់ជីវិតនោះទេ។

ហេតុការណ៍នេះបានកើតឡើងកាលពីវេលាម៉ោង៨និង៣០នាទីព្រឹក ថ្ងៃទី៣០ ខែមីនា ឆ្នាំ២០១៧ នៅចំណុចផ្ទះឈ្មោះសូត្រ សយ ភេទប្រុស ក្នុងភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល ។

សមត្ថកិច្ចបានឲ្យដឹងថា ជនរងគ្រោះទាំង២នាក់ ទី១មានឈ្មោះ ប្រុក លន់ ភេទប្រុស អាយុ៥២ឆ្នាំ មុខរបរកម្មករសំណង់ ស្នាក់នៅភូមិកំពង់ថ្កុល ឃុំសំពៅពូន ស្រុកកោះធំ ខេត្តកណ្តាល និងទី២ឈ្មោះ មឿន លី ភេទប្រុស អាយុ១៧ឆ្នាំ មុខរបរកម្មករសំណង់ ស្នាក់នៅភូមិគោកល្វាង ឃុំស្រែននោង ស្រុកត្រាំកក់ ខេត្តតាកែវ។

ប្រភពដដែលបន្តថា មុនពេលកើតហេតុ ជនរងគ្រោះទាំង២នាក់ខាងលើ បានធ្វើការជាកម្នករសំណង់នៅចំណុចផ្ទះភូមិកើតហេតុខាងលើ អស់រយ:ពេល២ខែមកហើយ។ លុះនៅថ្ងៃទី៣០ ខែមីនា ឆ្នាំ២០១៧ ជនរងគ្រោះទាំង២នាក់ បានធ្វើការសំណង់នៅចំណុចផ្ទះ សូត្រ សយ ជាធម្មតា។ រហូតដល់វេលាម៉ោង៨និង៣០នាទី ថ្ងៃខែឆ្នាំដដែល ជនរងគ្រោះបានលើកដែកថ្នាំអំពៅ១០លី ដើម្បីរៀបចំចាក់ប្លង់សេ ភ្លាមនោះក៍ស្រូបចរន្តអគ្គីសនីខ្សែកាបជាមួយដែកថ្នាំងអំពៅ បណ្តាលឲ្យឆក់ តែត្រូវបានមេការនិងម្ចាស់ផ្ទះជួយសង្គ្រោះយកទៅព្យាបាលនៅមន្ទីពេទ្យបង្អែកស្រុកកោះធំបានទាន់ពេលវេលា។

បច្ចុប្បន្ន ជនរងគ្រោះទាំង២នាក់ បានដឹងខ្លួនមិនបណ្តាលឲ្យគ្រោះថ្នាក់បាត់បង់ជីវិតនោះឡើយ។