ភ្នំពេញ ៖ យុវជនម្នាក់ បានប្រើប្រាស់ថ្នាំញៀន ហួសកម្រិត ហើយតូចចិត្តជាមួយនិងម្ដាយ មិនដែលទិញអ្វីឲ្យ ទិញឲ្យតែប្អូន បានសម្រេចចិត្ត មកលោតសំលាប់ខ្លួន នៅស្ពានអាកាស ៧ មករា តែ នបានសម្រេច ដោយមាននគរបាលប៉ុស្តិ៍ទឹកល្អក់១ បាននិយាយលួងលោម រួចក៏ចុះមកវិញ។
ករណីនេះបានបង្កការភ្ញាក់ផ្អើល នេះ កាលពីវេលាម៉ោង១១និង៣០នាទីថ្ងៃត្រង់ថ្ងៃទី០៥ ខែមេសា ឆ្នាំ២០១៦ ស្ថិតនៅចំណុចស្ពានអាកាស៧មករា ក្នុងសង្កាត់ទឹកល្អក១ ខណ្ឌទួលគោក។
យុវជនរូបនេះមានឈ្មោះ កៀន ស៊ី វីថា ភេទប្រុស អាយុ២៩ឆ្នាំ ស្នាក់នៅម្ដុំសូឡា២ ក្នុងសង្កាត់ស្ទឹងមានជ័យ ខណ្ឌមានជ័យ មុខរបរមិនពិតប្រាកដ។
តាមប្រភពព័ត៌មាន បានឲ្យដឹងថា នៅមុនពេលយុវជនរូបនេះឡើងមកបំរុងលោតសំលាប់ខ្លួននៅលើស្ពានអាកាសនេះគឺយុវជនរូបនេះ បានគេចចេញពីផ្ទះចំនួន១យប់មកហើយ រួចក៏ដើរមកលើស្ពានគោលបំណងលោតសំលាប់ខ្លួនឲ្យស្លាប់តែម្ដងដោយលែងចង់រស់ទៀតហើយ។
យោងតាមប្រភពពីយុវជន កៀន ស៊ី វីថា បានឲ្យដឹងថា មូលហេតុដែលខ្លួនចង់សម្លាប់ខ្លួននេះព្រោះម្ដាយរបស់គេមិនដែលទិញអ្វីឲ្យរូបគេទេ ទិញឲ្យតែប្អូន(ទិញម៉ូតូថ្មីៗឲ្យជិះ) ហើយថែមទាំងហៅប៉ូលិសឲ្យមកចាប់រូបគេទៀតផង ដូច្នេះរូបគេមិនចង់រស់ទៀតទេ។
បច្ចុប្បន្នយុវជនរូបនេះ ត្រូវបាននគរបាលប៉ុស្តិ៍ទឹកល្អក់១ នាំយកមកសួរនាំនៅប៉ុស្តិ៍រដ្ឋបាល និងធ្វើការទំនាក់ទំនងទៅអាណាព្យាបាលមកទទួលទៅលំនៅឋានវិញ៕
មតិយោបល់