ផ្ទះ ព័ត៌មានជាតិ ទឹកផ្លែឈើដែលហ...

ទឹកផ្លែឈើដែលហួសកាលបរិច្ឆទប្រើប្រាស់រាប់រយកំប៉ុងត្រូវបានមន្ត្រីសាខាកាំកុងត្រូល ដកហូត

0

ព្រៃវែង:​ យោងតាមផេកអគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំCCF បានឲ្យដឹងថា ថ្ងៃទី០៦ ខែមេសា ឆ្នាំ២០២០ នេះ មន្រ្តីសាខាកាំកុងត្រូលខេត្តព្រៃវែង បានបន្តយុទ្ធនាការចុះត្រួតពិនិត្យ គុណភាពអាល់កុលនិង អង្កេតតម្លៃលក់ម៉ាស់ ស្វែងរកឧបករណ៌សម្រាប់ធ្វើតេស្តកូវីដ-១៩ និងទំនិញវេចខ្ចប់ស្រាប់ នៅតាមបណ្ដាឱសថស្ថាន និងហាងលក់ទំនិញ ស្ថិតក្នុងស្រុកពាមរក៍ និងស្រុកព្រះស្តេច ខេត្តព្រៃវែង។

លបំណងនៃការចុះប្រតិបត្តិការ គឺដោយសង្កេតឃើញថា ក្នុងពេលថ្មីៗ នេះ មានម្ចាស់ឱសថស្ថាន ឬអាជីវករមួយចំនួន ឆ្លៀតឱកាស ដាក់លក់អាល់កុល ជែលលាងដៃក្លែងក្លាយ ឧបករណ៌សម្រាប់ធ្វើតេស្តកូវីដ-១៩ និងគ្មានប្រភពផលិតច្បាស់លាស់ និងលក់ម៉ាស់មានតម្លៃខ្ពស់ កេងយកផល ចំណេញហួសហេតុ មិនគិតពីផលប៉ះពាល់ដល់អ្នកប្រើប្រាស់ ស្របពេលដែលប្រទេសកម្ពុជា ក៏ដូចជាបណ្តាប្រទេសលើពិភពលោកកំពុងជួបប្រទះគ្រោះនៃការរីករាលដាល នៃវីរុស COVID-19 ។ ជាមួយគ្នានោះ មន្ត្រីជំនាញ បានធ្វើការត្រួតពិនិត្យរកភាពមិនអនុលោមនៅលើសំបកវេចខ្ចប់ផលិតផលម្ហូបអាហារផងដែរ ។

* ជាលទ្ធផល មន្ត្រីជំនាញបានរកឃើញទឹកផ្លែឈើដែលហួសកាលបរិច្ឆទប្រើប្រាស់សរុបចំនួន ១០២ កំប៉ុង ស្មើនឹង ៣០.៥ គីឡូក្រាម

បន្ទាប់មកមន្ត្រីជំនាញ បានធ្វើកំណត់ហេតុដកហូត ទំនិញទាំងនោះយកទៅរក្សាទុកនៅសាខាខេត្តព្រះសីហនុដើម្បីធ្វើការកម្ទេចចោល និងបានធ្វើការណែនាំដល់អាជីវករដទៃ ឲ្យយល់ដឹង និងអនុវត្តទៅតាមច្បាប់ ស្តីពីការគ្រប់គ្រងគុណភាព សុវត្ថិភាព លើផលិតផល ទំនិញ និងសេវា ជៀសវាងបង្កផលប៉ះពាល់ដល់សុខភាពប្រជាពលរដ្ឋ នឹងអាចប្រឈមចំពោះមុខច្បាប់ថែមទៀត៕

 

មតិយោបល់