ព័ត៌មានជាតិ

លោកអធិការខណ្ឌសែនសុខ ផ្ដល់អំណោយដល់យុទ្ធជនមរណភាពចំនួន២គ្រួសារនៅក្នុងសង្កាត់ភ្នំពេញថ្មី

ភ្នំពេញ​៖ នៅ​ថ្ងៃទី ៥ ខែ មេសា ឆ្នាំ​២០១៦​ដោយមាន​ការយកចិត្ត​ទុកដាក់​ខ្ពស់​របស់​ឯកឧត្តម នាយ​ឧ​ត្ត​ម​សេនីយ៍ ជួន សុវណ្ណ ​អគ្គ​ស្នងការរង ​និង​ជា​ស្នងការ​នគរបាល​រាជធានី​ភ្នំពេញ​ និង​ជា​ប្រធាន​សមាគម ​អតីតយុទ្ធជន​កម្ពុជា​ រាជធានី​ភ្នំពេញ ។

សមាគម​អតីត​យុទ្ធជន​កម្ពុជា ខណ្ឌ​សែន​សុខ ដឹកនាំ​ដោយ​លោក ម៉ក់ ​ហុង​អធិការ​នគរបាល​ខណ្ឌ បាន​នាំ​យក​អំណោយ​បន្តិចបន្តួច​ជូន​ដល់​យុទ្ធជន​ដែល​មាន​មរណភាព​ចំនួន ២​គ្រួសារ​ គ្រួសារ​ទី ១ .​ ឈ្មោះ សែ​ស សារឹម ភេទ​ប្រុស នៅ​ភូមិ​ដី​ថ្មី ​សង្កាត់​ភ្នំពេញ​ថ្មី ខណ្ឌ​សែន​សុខ​ រាជធានី​ភ្នំ​ពេញ​.​គ្រួសារ​ទី ២. ឈ្មោះ ឃួន ណា​រិ​ទ្ធ ​ភេទ​ប្រុស នៅ​ភូមិ​ក្រាំង​អង្ក្រង ​សង្កាត់​ក្រាំងធ្នង់​ ខណ្ឌ​សែន​សុខ រាជធានី​ភ្នំពេញ​. ក្នុងនោះ​រួមមាន អង្គរ ១​ការុង​, ទឹកត្រី​១​យួរ​, ទឹក​ស៊ី​អ៊ីវ​ ១​យួរ​, ត្រីខ ១​យួរ​,​ទឹកក្រូច ១​កេះ​, មី ១​កេះ​, ថវិកា​ចំនួន ​១០០.០០០​រៀល ក្នុង​មួយ​គ្រួសារ ៕

​ 

   

មតិយោបល់