(ភ្នំពេញ)៖ ស្រ្តីជាអាជីវកម្នាក់រត់ទៅប្តឹងសមត្ថកិច្ចប៉ុស្តិ៍ចោមចៅ បន្ទាប់ពីមានអាជីវករ ៦នាក់ទៀតក្នុងនោះមានប្រុស ២នាក់បានព្រួតវាយបណ្តាលឲ្យរងរបួសដៃ ដោយសារតែមានទំនាស់ក្នុងរឿងលក់ដូរ។ ហេតុការណ៍នេះបានកើតឡើងកាលពីវេលាម៉ោង ៣ និង ៣០នាទី រសៀលថ្ងៃទី ០៥ ខែមេសាឆ្នាំ ២០១៦ នៅផ្សារជម្ពូវ័ន ផ្លូវជាតិលេខ ៤ ភូមិជម្ពូវ័ន សង្កាត់ចោមចៅ ខណ្ឌពោធិ៍សែន។ ជនបង្កទាំងនោះទី១ ឈ្មោះនឿន ភេទប្រុស ទី២ ឈ្មោះវណ្ណា ភេទប្រុសទី៣ ឈ្មោះស្រី ណា ភេទស្រីទី៤ ឈ្មោះ ស្រីមាន ភេទស្រី និង ២នាក់ទៀតនៅមិនទៀតស្គាល់ឈ្មោះនោះទេ បានព្រួតគ្នាវាយទៅលើស្ត្រីរងគ្រោះខាងលើ។ តាមសំដីស្រ្តីរងគ្រោះឈ្មោះហ៊ី ចន្ថា ភេទស្រីអាយុ ៣២ឆ្នាំ មុខរបរលក់ម្ជូរនៅកន្លែងកើតហេតុ ស្នាក់បុរីសែនមនោរម្យ សង្កាត់ចោមចៅ ខណ្ឌពោធិ៍សែនជ័យ បានឲ្យដឹងថារួបគាត់ និងក្រុុមជនបង្កដែលលក់នៅជិតគ្នាធ្លាប់មានទំនាស់ជាមួយគ្នាជាយូមកហើយ លុះរហូតមកដល់វេលាកើតហេតុក៏បង្កជម្លោះពាក្យសំដីគ្នាម្តងទៀតរហូតដល់ក្រុមភាគីម្ខាងទៀតលើកគ្នាមកព្រួតវាយបណ្តាលឲ្យរបួសដៃខាងស្តាំ ទើបរូបគាត់រត់ទៅប្តឹងនគរបាលប៉ុស្តិ៍ចោមចៅ ដើម្បីឲ្យជួយរកយុត្តិធម៍។ ក្រោយពេលកើតសមត្ថកិច្ចបានចុះមកដល់ចំណុចកើតហេតុ និងធ្វើការឃាត់ជនបង្កទាំង ៦នាក់ ដើម្បីធ្វើការសួរនាំ។ សមត្ថកិច្ចបានបញ្ជាក់ថា បន្ទាប់ពីធ្វើការសាកសួររួច ភាគីខាងក្រុមបង្កបានសងថ្លៃជំងឺចិត្តចំនួន ៥០ម៉ឺនរៀលដើម្បីបញ្ចប់រឿង៕
ព័ត៌មានជាតិ
មតិយោបល់