ភ្នំពេញ: ជនសង្ស័យចំនួន៣នាក់ រួមនឹងម្សៅក្រាមថ្លាសចំនួន៣កញ្ចប់ធំ២កញ្ចប់តូច និងឧបករណ៍ប្រើប្រាស់មួយចំនួន។

ការបង្ក្រាបនេះបានធ្វើឡើងកាលពីវេលាម៉ោង១១ព្រឹក ថ្ងៃទី៣ ខែឧសភា ឆ្នាំ២០១៧ នៅចំណុចបន្ទប់ជួលផ្លូវបេតុង ភូមិត្រពាំងស្វាយ សង្កាត់ភ្នំពេញថ្មី ខណ្ឌសែនសុខ។

ជនសង្ស័យទាំង៣នាក់ដែលឃាត់ខ្លួននោះទី១មានឈ្មោះ ផល ផៃ ភេទប្រុស អាយុ២៦ឆ្នាំ មុខរបរធ្វើការរោងចក្រ ស្នាក់នៅបន្ទប់ជួលខាងលើ មានស្រុកកំណើតប៉ប៉ែន ឃុំមានជ័យ ស្រុកស្រីសន្ធរ ខេត្តកំពង់ចាម។ ទី២ឈ្មោះ សួស សុវណ្ណារ៉ា ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅភូមិបន្លាស្អិត សង្កាត់ឃ្មួញ ខណ្ឌសែនសុខ និងទី៣ឈ្មោះ ធូ រីន ភេទប្រុស អាយុ២២ឆ្នាំ មុខរបរអ្នកលើកអីវ៉ាន់ ដាក់តាមឡាន ស្នាក់នៅខាងក្រោយសាលាតិចណូ ខណ្ឌទួលគោក រាជធានីភ្នំពេញ។

សមត្ថកិច្ចបានឲ្យដឹងថា មុននឹងឈានដល់ការឃាត់ខ្លួនជនសង្ស័យទាំង៣នាក់ ខាងលើនេះគឺកម្លាំងនគរបាលផ្នែកព្រហ្មទណ្ឌខណ្ឌបាន សហការជាមួយនិងនគរបាលប៉ុស្តិ៍ភ្នំពេញថ្មី បានប្រើប្រាស់ជំនាញចុះធ្វើរដ្ឋបាលនៅចំណុចខាងលើទើបឈានដល់ការឃាត់ខ្លួន ពួកគេទាំង៣នាក់ រួមនឹងវត្ថុតាងតែម្តង ដោយចោទពីបទជួញដូរនូវសារធាតុញៀនដោយខុសច្បាប់។ ក្នុងចាប់យកនូវម្សៅក្រាមពណ៌សថ្លាចំនួន៣កញ្ចប់ធំនិង២កញ្ចប់តូចរួមជាមួយឧបកណ៍សម្រាប់ប្រើប្រាស់មួយចំនួន។

បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌសែនសុខ ដើម្បីកសាងសំណុំរឿងបញ្ជូនទៅតុលាកាចាត់ការបន្តតាមនិតិវិធីច្បាប់៕

//youtu.be/lyMbmY1MA-s