បន្ទាយមានជ័យ: លោកអធិការរងក្រុងប៉ោយប៉ែតទទួលផ្នែកព្រហ្មទណ្ឌ បានប្រាប់Post News ថា ជនសង្ស័យ២នាក់ ត្រូវបានសមត្ថកិច្ចឃាត់ខ្លួនក្រោយធ្វើសកម្មភាពលួចកាច់សោកម៉ូតូ។

ការចាប់ឃាត់ខ្លួននេះបានធ្វើឡើងកាលពីវេលាម៉ោង១០និង១០នាទី ព្រឹក ថ្ងៃទី ៩ ខែឧសភា ឆ្នាំ២០១៧ នៅបរិវេណក្នុងវត្តស្ទឹងបត់ ក្រុងប៉ោយប៉ែត ខេត្តបន្ទាយមានជ័យ។

លោកអធិការរងបន្តថា មុនពេលកើតហេតុ គេឃើញជនសង្ស័យបានសកម្មភាពកាច់សោកម៉ូតូ រួចហើយជនសង្យ័យបានអូសម៉ូតូចេញពីក្នុងវត្គ ពេលនោះកម្លាំងសមត្ថកិច្ចបានដឹងតាមការរាយការណ៍របស់ជនរងគ្រោះទាន់ពេលវេលា កម្លាំងយើងក៏បានឃាត់ខ្លួនជនសង្យ័យបាន២នាក់ដែលកំពុងតែអូសម៉ូតូតាមផ្លូវ ម៉ូតូម៉ាកP C X ស៊េរី០១៥ ពាក់ស្លាកលេខ ប.ជ 1P-0639 ជនរងគ្រោះឈ្មោះជីវ គឹម ហ៊ាង ភេទស្រី រស់នៅភូមិក្បាលស្ពាន១ ជាស.ស.យ.ក។ ចំណែកជនសង្ស័យមានទី១ឈ្មោះ សៅ មករា ភេទប្រុស អាយុ៣៤ឆ្នាំ រស់នៅភូមិ ជោ ឃុំក្រញូង ស្រុកំចាយមា ខេត្តព្រៃវែង និងទី២ឈ្មោះ ហ៊ីម វុទ្ធី ភេទប្រុស រស់នៅភូមិព្រៃសង្កាត់ផ្សាកណ្តាល ក្រុងប៉ោយប៉ែត។ ក្នុងនោះដកហូតបានសម្ភារ: ដែកអក្សរតេ សម្រាប់កាច់សោម៉ូតូ,ទូរសព្ទដៃ១គ្រឿងម៉ាកTG ពណ៌ខ្មៅ ម៉ូតូសេ១២៥ ពណ៌ខ្មៅ ស៊េរី២០០៤ ស្លាកលេខ1kបន្ទាយមានជ័យ ១គ្រឿង និងកូនសោម៉ូតូ១។

ចំពោះម៉ូតូជនរងគ្រោះបានស្នើសុំយកទៅប្រើប្រាស់វិញ៕