ភ្នំពេញ: កម្លាំងនគរបាលប៉ុស្ដិ៍ចោមចៅ បានធ្វើការចាប់ខ្លួនស្រ្តីម្នាក់ ដែលមុខសញ្ញាជួញដូគ្រឿងញៀនយ៉ាងសកម្ម ហើយពេលនេះត្រូវអស់លក្ខ័ព្រោះមិនអាចគេចចេញពីក្រសែភ្នែករបស់ប្រជាពលរដ្ឋបាន ក៏ត្រូវប្រជាពលរដ្ឋរាយការណ៍ឲ្យនគរបាល ចាប់ខ្លួនកាលពីវេលាម៉ោង២និង៣០នាទីរសៀល ថ្ងៃទី១១ ខែឧសភា ឆ្នាំ២០១៧ នៅក្នុងបន្ទប់ផ្ទះជួល នៅក្នុងភូមិថ្មគោល សង្កាត់ចោមចៅ ខណ្ឌពោធិ៍សែនជ័យ។

តាមប្រភពព័ត៌មានបានឲ្យដឹងថា ស្រ្តីដែលជាជនសង្ស័យខាងលើនោះឈ្មោះ ស្រី ដុំ អាយុ១៧ឆ្នាំ មុខរបមិន ពិតប្រាដក ស្នាក់នៅបន្ទប់ជួលខាងលើ គឺជាមុខសញ្ញាជួញដូរគ្រឿងញៀនយ៉ាងសកម្មម្នាក់ ដែលបានធ្វើ សកម្មភាពនៅក្នុងតំបន់នោះរាល់ថ្ងៃ។

ប៉ុន្តែសកម្មភាពនោះមិនអាចគេចផុតពីក្រសែភ្នែកប្រជាពលរដ្ឋបាននោះឡើយ ទើបបងប្អូនប្រជាពលរដ្ឋរាយកាណ៍ជាសម្ងាត់ ទើបកម្លាំងធ្វើការស៊ើបអង្កេត រហូតកំណត់បានមុខសញ្ញា ហើយឈានដល់ការឃាត់ខ្លួនធ្វើការឆែកឆេរ នៅបន្ទប់ដែលជនសង្ស័យនោះស្នាក់នៅ ហើយក៏បានរកឃើញសម្ភារ:ប្រើប្រាស់គ្រឿងញៀនមួយចំនួន ចំណែកឯគ្រឿងញៀនសង្ស័យ នាងដឹងខ្លួនទាន់ទើបបោះចោល។

បន្ទាប់ពីចាប់ខ្លួនកម្លាំងបាននាំទៅសាកសួរនៅប៉ុស្ដិ៍ ដើម្បីកសាងសំណុំរឿងចាត់ការច្បាប់៕